"დორტმუნდის" თავდამსხმელი რობერტ ლევანდოვსკი ადასტურებს, რომ მას სატრანსფერო შეთავაზებები სხვადასხვა დროს "მანჩესტერ იუნაიტედისგან" და "ჩელსისგან" მიუვიდა.
"ვერდერთან" მატჩის შემდეგ რობერტმა თქვა, რომ მან ჟოზე მოურინიოსგან ტექსტური შეტყობინება მიიღო, სადაც პორტუგალიელი მწვრთნელი მას "ჩელსიში" გადასვლას სთავაზობდა.
"დიახ, ჟოზე მოურინიოსთან ამ თემაზე ლაპარაკი იყო, მაგრამ პირადულ საუბრებზე ლაპარაკი არ მსურს. შემიძლია დავადასტურო, რომ მას ველაპარაკე. აქამდე მასთან რამდენჯერმე მისაუბრია, მისი ნომერი ტელეფონში მქონდა. ჩემთვის სასიამოვნოა, როცა ასეთი დიდი მწვრთნელი პირადად მიკავშირდება სატრანსფერო საკითხებზე."
ლევანდოვსკიმ ასევე დაადასტურა, რომ მას სერ ალექს ფერგიუსონიც დაეკონტაქტა.
"ერთი წლით ადრე ფერგიუსონსაც ვესაუბრე, ესეც უდავოდ სასიამოვნო მომენტი იყო. ინგლისში წასვლას არ ვაპირებდი და სერ ალექსის კარიერის დასრულებას ჩემს გადაწყვეტილებაზე არ უმოქმედია. თავიდანვე ვიცოდი, რომ სანამ უფრო დიდ კლუბს შევუერთდებოდი, ჯერ "დორტმუნდში" უნდა მიმეღწია წარმატებისთვის." - ციტირებს ლევანდოვსკის სიტყვებს The Sun.

წყარო: goal.com