MUTV-სთან ინტერვიუში ანხელო ენრიკესმა დასძინა, რომ "ოლდ ტრაფორდზე" თავს ისე გრძნობს როგორც სახლში.
"ფორვარდისთვის ყველაზე მნიშვნელოვანი გოლების გატანაა, რადგან მეტ დავდაჯერებულებას გმატებს. ახლა ძალიან კარგ ფიზიკურ ფორმაში ვიმყოფები და მე მართლაც წარმატებული ტურნე გამომივიდა. საკმაოდ დიდი დრო მივიღე რეზერვებში, მაგრამ ძირითად გუნდშიც მსურს თავის გამოჩენა. მე აუცილებლად გავაგრძელებ ჩემს თავზე მუშაობას და მოუთმენლად დაველოდები პირველ გუნდში მოხვედრის შანსს. როდესაც მანჩესტერში გადმოვედი მძიმე პერიოდი მქონდა, თუმცა ახლა ყველაფერი კარგადაა. უკეთ შევეჩვიე ინგლისურ ენას და აქაურ ამინდს. თანაგუნდელებმა საკმაოდ კარგად მიმიღეს და თავს კომფორტულად ვგრძნობ, ასევე განცდა მაქვს, რომ აქ ჩემი სახლია. ამ სეზონში მე დიდი სათამაშო დრო მჭირდება რათა პროფესიონალურ დონეზე უკეთ განვითარდე. ვიმედოვნებ, რომ კიდევ ბევრ გოლს გავიტან".
ენრიკესი ასევე ეხმარება "მანჩესტერ იუნაიტედის" ახალწვეულ ვარელას.
"იგი ჩემსავით იყო როდესაც პირველად მოვიდა კლუბში. ვარელა ინგლისურად ვერ საუბრობს, რაც დიდ პრობლემებს უქმნის. მაგრამ მისი მთავარი მიზანი მოედანზე მუშაობაა– რაც ყველაზე მნიშვნელოვანია. მინდა მას დავეხმარო, თუმცა ჩემი ინგლისური იდეალური არ არის. მართლაც ძალიან ვცდილობ!"–განაცხადა ენრიკესმა.