ინგლისური Daily Mail-ის ცნობით, მარუან ფელაინს „ევერტონის“ დატოვება და „მანჩესტერ იუნაიტედში“ გადასვლა სურს მანამ, სანამ მისი სატრანსფერო ღირებულება მომავალ წელს ბევრად უფრო გაიზრდება.
ამჟამად, ბელგიელი ნახევარმცველი 23 მილიონ ფუნტზე მეტადაა შეფასებული, „ევერტონმა“ კი კვირის დასაწყისში „იუნაიტედის“ 28 მილიონიან შეთავაზებაზე უარი თქვა, რომელიც მარუანთან ერთად ბეინსის შეძენასაც გულისხმობდა.
ფელაინს ტოპ კლუბში გადასვლა სურს, რომ მომდევნო მსოფლიო ჩემპიონატამდე ევროპულ ტურნირებზე სათამაშო გამოცდილება მიიღოს და ბელგიის ნაკრებში ძირითად შემადგენლობაში ითამაშოს.
მარუანს ეშინია, რომ მისი წარმატებული სეზონი სატრანსფერო ფასს გაზრდის და დარჩენილი კარიერის გატარება „გუდისონ პარკზე“ მოუწევს.