„მანჩესტერ იუნაიტედმა“ ლონდონის „ჩელსი“ გააფრთხილა, რომ უეინ რუნიზე სატრანსფერო შეთავაზებების გაკეთება შეწყვიტონ. The Mirror-ის ინფორმაციით, ედ ვუდვარდმა ლონდონელებს წერილი გაუგზავნა, სადაც შეთავაზებების შეწყვეტას მოითხოვს. ვუდვარდი, რომლის მიმართვასაც მხარს კლუბის ამერიკელი მფლობელები უჭერენ, წერილი პირადად რომან აბრამოვიჩს გაუგზავნა. „იუნაიტედმა“ „ჩელსი“ უარით უკვე ორჯერ გაისტუმრა, „ლურჯები“ კი მესამე შეთავაზების გაკეთებას აპირებენ. ვუდვარდი იმედოვნებს, რომ ეს წერილი შედეგს გამოიღებს და რუნის საზაფხულო სატრანსფერო საგა ერთხელ და სამუდამოდ შეწყდება. მიუხედავად ამისა, გუშინ გავრცელებული ინფორმაციის თანახმად, მოურინიო ახალ, 40 მილიონ ფუნტიან შეთავაზებას ორშაბათს, „იუნაიტედთან“ მატჩის ჩატარების შემდეგ გააკეთებს.