რიო ფერდინანდმა სეზონის გამორჩეულ მატჩებზე ისაუბრა და აღნიშნა, რომ „ჩელსისთან“ დაპირისპირებაზე მეტად „სიტისთან“ და „ლივერპულთან“ თამაშს მეტ მნიშვნელობას ანიჭებს.
„ლურჯები“ ხვალ „ოლდ ტრაფორდს“ ახალი მწვრთნელის, ჟოზე მოურინიოს ხელმძღვანელობით ესტუმრებიან. რიო საკუთარ სტადიონზე თამაშის ფაქტორის გამო თვლის, რომ გუნდი ისე სერიოზულად მოეპყრობა „ჩელსისაც“, როგორც ამას ყველა დანარჩენ სტუმარ კლუბთან აკეთებს.

„არ ვიტყოდი, რომ ეს ჩემი ფავორიტი მატჩია. ნებისმიერ მატჩს რომელიც „ოლდ ტრაფორდზე“ ტარდება, მოუთმენლად ველით, რადგან ეს განსაკუთრებული ადგილია. ჩვენ ყველანი განსაკუთრებულ მნიშვნელობას ვანიჭებთ ამ ფაქტორს და საკუთარი ფანების წინაშე მაქსიმუმის გაკეთებას ვცდილობთ.
ვერ ვიტყოდი, რომ რომელიმე შეხვედრას უფრო სერიოზულად ვეპყრობი, მაგრამ „ლივერპულთან“ და „სიტისთან“ დაპირისპირება ყოველთვის მაინც უფრო მნიშვნელოვანია სხვებთან შედარებით. ასე რომ, ამ გუნდებთან გამარჯვების შემდეგ დაუფლებულ გრძნობებს თუ გავითვალისწინებთ, მათთან შეხვედრა სეზონის უდიდეს მატჩებად შეიძლება ჩაითვალოს.“ - დაასრულა ფერდინანდმა.

წყარო: manutd.com