რიო ფერდინანდი ფიქრობს, რომ ვან პერსი ინდივიდუალურ განვითარებას გააგრძელებს და გულშემატკივარს თავს მხოლოდ ერთი სეზონით არ დაამახსოვრებს. ჰოლანდიელი გასულ სეზონში გატანილი 26 გოლით სერ ალექს ფერგიუსონს მე-20 ლიგის ტიტულის მოპოვებაში დაეხმარა და პრემიერ ლიგის ოქროს ბუცი ზედიზედ მეორედ მოიგო. „ჩელსისთან“ დაპირისპირების წინ რიო ამბობს, რომ ვან პერსი წარმატებებს კვლავ მიაღწევს, მიუხედავად მისი ასაკისა.
„რობინს არ უნდა, რომ გულშემატკივარი მხოლოდ ერთი სეზონით გააოცოს. არ უნდა ხალხმა იფიქროს, რომ აქ ერთი სეზონის გამო გადმოვიდა და მაღალ დონეზე თამაში აღარ შეუძლია. რობინს სურს ეს წლების განმავლობაში გაგრძელდეს და ხალხს თავი ამით დაამახსოვროს. ის ამაზე მუშაობს, ყოველ უიქენდზე შესაძლებლობების მაქსიმუმს აკეთებს. სწორედ ამ დამოკიდებულების წყალობითაა ის საუკეთესო მოთამაშე.“ - განაცხადა ფერდინანდმა.