კრისტალ პალასის ფორვარდმა - მარკ ბრაითმა, რომელმაც რამოდენიმე სეზონი ითამაშა, აწ უკვე "მანჩესტერელ" უილფრედ ზაჰასთან ერთად, განაცხადა, რომ ინგლისელს ისეთივე მომავალი აქვს, როგორც კრიშტიანუ რონალდუს.



"მე დიდი ხნის ურთიერთობა მაკავშირებს უილფრიდთან, "კრისტალ პალასში" ყოფნის დროს ზაჰასთან ერთად მიწევდა ყოფნა და ჩემი აზრით იგი მომავალი კრიშტიანუ რონალდუა."

"მას ყველაფერი აქვს, რომ გახდეს საუკეთესო. ის არის სწრაფი, მოქნილი, ტექნიკური და ძლიერი, ის სერ ალექს ფერგიუსონის უკანასკნელი შენაძენია და უდიდესი საჩუქარი დევიდ მოიესისთვის."

20 წლის ინგლისელს დიდი წვლილი მიუძღვის იმაში, რომ "პალასი" პრემიერ ლიგას დაუბრუნდა, სწორედ ზაჰამ მოიპოვა ბოლო წუთებზე დანიშნული პენალტი, პლეი-ოფის მატჩში, რომელიც შემდეგ კევინ ფილიპსმა გოლად გარდასახა და გუნდი ინგლისის უმაღლეს დივიზიონში გადაიყვანა.

"მან უფრო მეტი გოლი უნდა გაიტანოს რათქმაუნდა, თუმცა მას ფლანგზეც არანაკლები მუშაობის გაწევა შეუძლია, იგი ერთადერთია ინგლისში, რომელიც ასე სანახაობრივად და ტექნიკურად თავბრუს ახვევს მცველებს."


წყარო: Goal.Com