პატრის ევრამ შეაქო თანაგუნდელები "სუონსის" დამარცხების შემდეგ, თუმცა ჩემპიონები გააფრთხილა, რომ ჯერ კიდევ დიდი გზაა გასავლელი ტიტულის შესანარჩუნებლად.

ფრანგი მარცხენა მცველი, რომელმაც შესანიშნავი მატჩი ჩაატარა, კარგ ხასიათზე იმყოფებოდა მატჩის შემდეგ და მან შეაფასა "წითლების" თამაში.

"ეს იყო სეზონის ძალიან კარგი დაწყება და მე ვფიქრობ ჩვენ დავიმსახურეთ ეს გამარჯვება, რადგან სეზონის დაწყებამდე ბევრს ვმუშაობდით." განუცდახა ევრამ MUTV-ს.

"ეს შედეგი იყო მესიჯი ყველასთვის, თუ რისი მიღწევა გვსურს ახალ მენეჯერთან ერთად."

პატრისი გამოტყდა, რომ გაკვირვებულია "იუნაიტედის" წინა ხაზით, განსაკუთრებით კი რობინ ვან პერსით.

"მე ხშირად ვეუბნები რობინს, რომ ცოტა დამშვიდდეს. არ ვიცი რატომ არ შეუძლია დაიწყოს ცოტა უფრო წყნარად." იხუმრა ევრამ.

"მან გაიტანა ორი გოლი ქომუნითი შილდზე და ისევ ორი სუონსისთან. ის შესანიშნავი ფეხბურთელია და მას ისევ სწყურია ტიტულები"

ევრა ასევე კმაყოფილი დარჩა დენი უელბეკით, რომელმაც ნაკრებში წარმატებული თამაშის შემდეგ "იუნაიტედშიც" გამოიჩინა თავი და "პრემიერ ლიგის" პირველივე თამაშში იმდენივე გოლი გაიტანა, რამდენიც მთლიან 2012-2013 სეზონში.

"მე ძალიან კმაყოფილი ვარ მისით, ის ძალიან ბევრს მუშაობს." დაამატა ფრანგმა. "და მისი მეორე გოლი იყო უბრალოდ შესანიშნავი."

ევრამ, როგორც ერთ-ერთმა ვეტერანმა ფეხბურთელმა, თანაგუნდელებს სიმშვიდისკენ მოუწოდა და განაცხადა, რომ "ლიბერთი სტადიუმზე" გამარჯვება მხოლოდ დიდი სეზონის დასაწყისია.

"ჩვენ ვიცით რა სურს მწვრთნელს, მას უნდა ყველაფრის მოგება და ეს არის ჩვენი მიზანი. ჩვენ ამ რეზულტატმა თავდაჯერებულობა მოგვმატა. მაგრამ როგორც უკვე ვთქვი, ეს მხოლოდ პირველი თამაშია. ყველაფერი ახლა იწყება."