რობინ ვან პერსიმ ისაუბრა გუშინდელ დაპირისპირებაზე, სადაც "მანჩესტერ იუნაიტრედმა" 4-1 დაამარცხა "სუონსი" და განაცხადა, რომ ეს იყო მნიშვნელოვანი დღე ჩემპიონებისათვის, რათა დაემტკიცებინათ თავიანთი ძალა.

"იუნაიტედის" ოცი ნომერი კმაყოფილი დარჩა ამ გამარჯვებით, რომელიც საკმაოდ რთულ მეტოქესთან მოახერხეს, ამას ისიც ემატებოდა, რომ ეს იყო პირველი ლიგის მატჩი დევიდ მოიესის ხელმძღვანელობით.

"ეს იყო მნიშვნელოვანი დღე ჩვენთვის. ჩვენ არ გვინდოდა სეზონის პირველი მატჩის წაგება. ვფიქრობ ჩვენ მშვენივრად ვითამაშეთ, ყველა კარგად გამოიყურებოდა და ჩვენ ძალიან ბევრი ვიშრომეთ." განუცხადა ვან პერსიმ Sky Sports-ს. "პირველი 15 წუთის განმავლობაში სუონსი ჩვენზე უკეთესად თამაშობდა, მაგრამ გოლმა ყველაფერი შეცვალა და ჩვენ უცებ მოვახერხეთ სხვაობის ორამდე გაზრდა."

რობინ ვან პერსიმ უკვე მეორეჯერ მოახერხა დუბლის შესრულება, მან ასევე ორჯერ აიღო "უიგანის" კარი "ქომუნითი შილდზე" და ყველას დაანახა თავისი მნიშვნელოვანი როლი "წითლების" წარმატებაში.

"ჩემი გოლი გიგზის შესანიშნავ გადაცემას მოყვა" განაცხადა მან თავის პირველ გოლზე. "მე ვიგრძენი რომ ეს იქნებოდა რთული დარტყმა და ვცადე ავმხტარიყავი რაც შეიძლება მაღლა. ასევე ლამაზი გამოვიდა მეორე გოლიც."

მეორე გოლი რობინ ვან პერსიმ რუნის პასის შემდეგ გაიტანა, მან მცირე მანძილი გაირბინა და შესანიშნავი დარტყმით "წითლებს" სოლიდური უპირატესობა მოაპოვებინა. თუმცა მისი აზრით მისი გოლი არ იყო საუკეთესო ამ მატჩში. "უელბეკის ბოლო წუთებზე გატანილი გოლი შესანიშნავი იყო. ალბათ სწორედ ეს იყო მატჩის საუკეთესო."