"იუნაიტედი" კვლავ აქტიურად ეძებს ცენტრალურ ნახევარმცველს. ადრე "მანჩესტერი" იყო დაინტერესებული ცესკ ფაბრეგასით და მარუან ფელაინით, მაგრამ ამ მოთამაშეებთან "იუნაიტედმა" შეთანხმებას ვერ მიაღწია. ახლა კი ბრიტანული პრესა იუწყება, რომ "მანჩესტერ იუნაიტედის" მთავარი მწვრთნელის დევიდ მოიესის ყურადღება 20 წლის ფრანგმა კონდოგბიამ მიიპყრო.

უახლოეს მომავალში "იუნაიტედი" "სევილიას" ოფიციალური წინადადებით მიმართავს, მაგრამ რამდენს გადაიხდის "მანჩესტერი" ამ ახალგაზრდა ფეხბურთელში ჯერჯერობით უცნობია.

აქამდე, "სევილიას" პრეზიდენტმა ხოსე მარია დელ ნიდომ განაცხადა, რომ ის კონდოგბიას, მხოლოდ იმ შემთხვევაში გაუშვებს, თუ მასში 20 მილიონ ევროს გადაიხდიან.

წყარო:football.ua