ბეილი, "რეალი", "ტოტენჰემი", ეს ალბათ ყველაზე ხშირი სიტყვებია რასაც ინგლისში ამ კვირების განმავლობაში გაიგონებდით.
ჭორია თუ სიმართლე ვერავის გაურკვევია, თუმცა ერთი რამ ცხადია, ჭორებსაც აქვს საზღვარი, უკვე კარგა ხანია "მადრიდის რეალი" კერძოდ კი მათი პრეზიდენტი - ფლორენტინო პერეზი ჯიუტად ცდილობს გადაიბიროს "ტოტენჰემის" ახალგაზრდა, უნიჭიერესი ფეხბურთელი - გარეთ ბეილი.
დღეს კი ამ ჭორებს, ასე რომ ვთქვათ ხაზი გადაუსვა "რეალის" თაკაცმა - კარლო ანჩელოტიმ. მან განაცხადა, რომ ბეილი მის გეგმებში არ შედის.
რას უნდა ნიშნავდეს ეს? ეს ნიშნავს იმას, რომ "იუნაიტედს" ეძლევა შანსი, შეიძინოს უელსელი და ამით სკეპტიკოსებს "პირები დააკუმინოს". უამრავი კრიტიკოსი აბუჩადაც კი იგდებს "იუნაიტედის" ახალ მწვრთნელს - დევიდ მოიესს, იმის გამო, რომ მან სატრანსფერო ფანჯარაზე ჯერჯერობით ვერაფერი სახეირო ვერ მოუტანა გუნდს.
აახლა კი მას ეძლევა შანსი, იბრძოლოს ბოლომდე და როგორღაც გამოსძალოს ტოტენჰემს უელსელი ოქროს ბიჭუნა. როგორც "ტოტენჰემის" პრეზიდენტი აცხადებს ბეილი 120 მილიონზე ნაკლები არ ღირს, თუმცა მოიესს შეუძლია გაცილებით ნაკლები თანხის შეთავაზება, თუმცა ამის სანაცვლოდ, რომელიმე ფეხბურთელი (ან ფეხბურთელები) უნდა დაუთმოს ლონდონურ კლუბს.