"უიგანთან" მატჩის წინ დევიდ მოიესმა ინტერვიუ ჩაწერა, სადაც გუნდში არსებულ ვითარებაზე ისაუბრა.
მატჩის მნიშვნელობა
"ეს მატჩი ძალიან მნიშვნელოვანია ჩვენთვის, რადგან სეზონი ახლა იწყება. ცხადია პრემიერ ლიგა მომდევნო კვირას იწყება, მაგრამ დღევანდელი თამაში საშუალებას გვაძლევს პირველი ტიტული მოვიგოთ ამ სეზონში. ამ მატჩზე ძალიან დიდი ყურადღება იქნება გადატანილი".
მოწინააღმდეგე
"ვფიქრობ უიგანი ყველაფერს გააკეთებს რათა პრემიერ ლიგაში დაბრუნდეს. მათ ჩემპიონშიპში პირველი მატჩი უკვე ჩაატარეს "ბარნლსისთან" და გამარჯვების მოპოვებაც მოახერხეს. წინ ძალიან რთული შეხვედრა გველის. მათ "უემბლიზე" კარგი შედეგი აქვთ, რადგან წინა წელს ფინალურ მატჩში "სიტი" დაამარცხეს".
შემადგენლობა
დევიდ მოიესმა განაცხადა, რომ ეშლი იანგი, ნანი და უეინ რუნი დღევანდელ მატჩში არ იქნებიან.