"ევერტონის" მწვრთვნელმა რობერტო მარტინესმა უარყო ყველანაირი ჭორი იმის შესახებ, თითქოს "მანჩესტერ იუნაიტედმა" ფელაინის თაობაზე ოფიციალური შეთავაზება გააკეთა.
"ჩვენ არანაირი შემოთავაზება არ მიგვიღია ბეინსისა და ფელაინის თაობაზე. თუ რომელიმე კლუბი დაინტერესდება ფეხბურთელით, ეს იმას არ ნიშნავს, რომ მოლაპარაკებები ავტომატურად იწყება".
"არ არის გასაკვირი ის ფაქტი, რომ ზაფხულის ამ პერიოდში ძალიან ბევრი სატრანსფერო ჭორი არსებობს. ამ ყველაფერს მედია აკეთებს და არც არასდროს შეწყდება. ჩემი მთავარი მიზანი კი გუნდის ფორმაში ჩაყენება და პირველი მატჩისთვის მზადებაა"._განაცხადა მარტინესმა.