დევიდ მოიესი გადაერთო მარუან ფელაინის ტრანსფერზე, მას შემდეგ მან უარი მიიღო კატალონიელებისგან სესკ ფაბრეგასის შეძენასთან დაკავშირებით.
"იუნაიტედის" ახალი მწვრთნელი აპირებს დაბრუნდეს "ევერტონში" რათა გააკეთოს შეთავაზება ბელგიელი ნახევარმცველის ტრანსფერთან დაკავშირებით. შეგახსენებთ, რომ ფელაინის კონტრაქტის გამოსასყიდი თანხა £23.5 მილიონია და დევიდ მოიესს მოუწევს ამ თანხის გადახდა თუ მას სურს, რომ იხილოს ბელგიელი ინგლისის ჩემპიონთა შემადგენლობაში.
"ბარსელონას" გამთამაშებელი (ფაბრეგასი) იყო დევიდ მოიესის ნომერ პირველი სამიზნე, მაგრამ "არსენალის" ყოფილმა კაპიტანმა განაცხადა, რომ ის რჩება "ნოუ კამპზე."
"მანჩესტერმა" გააკეთა 2 შეთავაზება და მესამესაც აპირებდა მაგრამ, "კატალონიელები" სესკის გაყიდვას არ აპირებენ.
მოიესი-რომელმაც ასევე ხელიდან გაუშვა "ბარსას" ახალგაზრდა გამთამაშებლის, ტიაგო ალკანტარას ყიდვის შანსი, კარგად იცნობს მარუან ფელაინის.
"ევერტონის" ახალი მწვრთნელი-რობერტო მარტინესი ბელგიელის შენარჩუნებას აპირებს, მაგრამ მარუანს ჩემპიონთა ლიგაზე თამაში სურს.
ლონდონის "არსენალიც" ცდილობდა ფელაინის ყიდვას, მაგრამ არსენ ვენგერმა მისი ყიდვა საკმაოდ იაფად მოინდომა და ამიტომ ძალიან ცოტაა იმის შანსი, რომ ბელგიელი "არსენალში" ვიხილოთ.