არსენ ვენგერმა კიდევ ერთხელ განაცხადა, რომ სესკ ფაბრეგასს "იუნაიტედის" დაინტერესების მიუხედავად ესპანეთში სურს დარჩენა. "წითელმა ეშმაკებმა" უკვე 2_ჯერ მიმართეს "ბარსას" ოფიციალური წინადადებით თუმცა ამაოდ. ცნობილია, რომ დევიდ მოიესს ძალიან სურს "არსენალის" ყოფილი კაპიტნის შეძენა.
"ბარსას" დაჟინებული უარის მიუხედავად, "მანჩესტერ იუნაიტედი" კიდევ ერთ წინადადებას ამზადებს.
ვენგერმა რომელმაც რამდენიმე წლის წინ სესკი გაყიდა, აცხადაებს, რომ ფაბრეგასს "ნოუ კამპზე" სურს დარჩენა. "ბარსას" ახალი მწვრთვნელი კი ყველაფერს სხვანაირად უყურებს, მან ბოლო სიტყვა სესკს მიანდო.
"ამის შესახებ არ მომისმენია და გაზეთებშიც არ წამიკითხავს. ასე, რომ პასუხის გაცემისას ყოველთვის ფრთხილად ვიქნები. ჩემი ინფორმაციით ფაბრეგასი ესპანეთში კიდევ რამდენიმე წელი დარჩება, მხოლოდ და მხოლოდ ეს ვიცი"._განაცხადა ვენგერმა.
ფაბრეგასი ინგლისიდან ესპანეთში 2011 წლის აგვისტოს გადაბარგდა. იგი "ბარსელონა" 35 მილიონ ევროდ შეიძინა.