გამოცემა Corriere Dello Sport გვამცნობს, რომ "მანჩესტერ იუნაიტედი" მზად არის 26 მილიონი ფუნტი გადაიხადოს "იუვენტუსის" ნახევარმცველის კლაუდიო მარკიზიოს სანაცვლოდ.
"მანჩესტერ იუნაიტედის" ახალი მთავარი მწვრთნელი დევიდ მოიესი აქტიურად ეძებს ფეხბურთელებს, რომლებიც ნახევარდაცვას გააძლიერებენ, მაგრამ შოტლანდიელ სპეციალისტს ჯერ კიდევ არ შეუძენია არც ერთი ნახევარმცველი.
იტალიური გამოცემის თანახმად, დევიდ მოიესის რადარზე ახლა სწორედ "იუვენტუსის" ნახევარმცველი 27 წლის კლაუდიო მარკიზიო მოექცა. კლაუდიომ მთელი თავისი პროფესიული კარიერა "იუვენტუსში" ჩაატარა თუ არ ჩავთვლით 2007/08 წლებში "ემპოლიში" არენდით წასვლას.
მარკიზიოს ასევე 38 მატჩი აქვს ჩატარებული იტალიის ეროვნული ნაკრების შემადგენლობაში. კლაუდიოს ძალიან უყვარს შემტევი ნახევარმცველის პოზიციაზე თამაში.