სადებიუტო სეზონში ჰოლანდიელმა "იუნაიტედის" რიგებში 13 მატჩი ჩაატარა. მწვრთნელი ბიუტნერს იმიტომ იყენებდა, რომ პატრის ევრა ყოფილიყო ტონუსში და არ დაეკარგა კონცენტრაცია.
ამ ზაფხულს კი ძალიან ბევრი ჭორი გავრცელდა, თითქოს "იუნაიტედს" "ევერტონის" მარცხენა მცველის ლეიტონ ბეინსის გადმობირება სურს "ოლდ ტრაფორდზე". მაგრამ ბიუტნერი კონკურენციაზე არ ფიქრობს და მხოლოდ თავის თამაშზეა კონცენტრირებული.
"სეზონის პირველი რამდენიმე თვე, ჩემთვის ძალიან რთული გამოდგა. მე ბევრ რამეს უნდა შევგუებოდი. მაგრამ ვფიქრობ, რომ ამ ყველაფერს თავი კარგად გავართვი. მე 13 მატჩი ჩავატარე და ეს კარგია. ამ სეზონში კი უფრო მეტი მატჩის ჩატარებას ვაპირებ."
"პატრისი ძალიან კარგად თამაშობდა წინა სეზონში და ბევრი კარგი მატჩიც ჩაატარა. მე მასზე ზეწოლის მოხდენა შევძელი, ამიტომ მინდორზე გამოსვლისას მეც კარგად ვმოქმედებდი. ვფიქრობ, რომ "მანჩესტერ იუნაიტედს" სწორედ ეს ორი მარცხენა მცველი ჭირდება. მსურს, რომ ეს პოზიცია გუნდში მე მეკუთვნოდეს. ეს ჩემი მიზანია - ვითამაშო ბევრი მატჩი." - დაასრულა ბიუტნერმა PA Sport-თან ინტერვიუში.