9 აგვისტოს დილას, 2003 წელს ახალგაზრდა ინგლისელი ფეხბურთელი, დევის ჯიმი უოკფორდშირის გზაზე ავტოკატასტროფაში დაიღუპა. სიკვდილის მიზეზი სატვირთო მანქანასთან დაჯახება გახდა. დევისი ადგილზევე გარდაიცვალა, ხოლო სატვირთო ავტომობილის მძღოლმა უმნიშვნელო დაზიანებები მიიღო. ტრაგედია მოხდა სეზონის პირველ მატჩამდე რამდენიმე საათით ადრე, სადაც "უოტფორდს" "კოვენტრი სიტის" წინააღმდეგ უნდა ეთამაშა. ცნობისთვის, დევის ჯიმი ამავე წლის აგვისტოში, ტრაგედიამდე რამდენიმე დღით ადრე გაანათხოვრა სერ ალექს ფერგიუსონმა "უოტფორდში" ერთ წლიანი იჯარის სახით.

რა საკვირველია, იმ დღეს სეზონის პირველი მატჩი "უოტფორდის" მწვრთნელის მოთხოვნიტ დროებით გადაიდო. დევის ჯიმის დაკრძალვაში მონაწილეობას იღებდნენ "მანჩესტერ იუნიატედის" ფეხბურთელები და სამწვრთნელო შტაბი.

დევის ჯიმი "უოტფორდამდე" კიდევ ორ კლუბში იყო განათხოვრებული, "ანტვერპენში" და "სუინდონ თაუნში". დევისის გარდაცვალებიდან რამდენიმე დღის შემდეგ, "სუინდონ თაუნმა" "ნოტს ქაუნთის" წინააღმდეგ გამართა შეხვედრა და 0:4 იმარჯვა. მათ ეს გამარჯვება გარდაცვლილ ფეხბურთელს მიუძღვნეს, რის გამოც დევისის მშობლებისგან მადლობის წერილი მიიღეს. ამის გარდა, "სუინდონ თაუნმა" დევის ჯიმის მოსახსენიებელ მატჩში მიიღო მონაწილეობა, სადაც ის "რედიჩ იუნიატედს" დაუპირისპირდა. "რედიჩი" დევის ჯიმის ბავშობის კლუბი იყო. ამ მატჩში "სუინდონმა" 2:1 გაიმარჯვა.

თავისხმხრივ "მანჩესტერ იუნიატედმაც" მიაგო დევის ჯიმის ხსოვნას პატივი. ინგლისის თასის ფინალში (იგივე FA CUP) გამარჯვების შემდეგ, "იუნაიტედის" უკლებლივ ყველა ფეხბურთელმა დევის ჯიმის მაისური მოირგო და ასე აღნიშნეს გამარჯვება. ყველაფერთან ერთად, "მანჩესტერ იუნაიტედმა" 36-ნომრიანი მაისური სამუდამოდ გაყინა.

21 წლის ინგლისელი თავდამსხმელი დევის ჯიმი 2003 წლის 9 აგვისტოს გარდაიცვალა.













ღმერთმა ნათელში ამყოფოს დენის ჯიმის სული.