"მანჩესტერ იუნაიტედის" ლეგენდარულმა ფეხბურთელმა - სერ ბობი ჩარლტონმა კლუბის თავდამსხმელს, უეინ რუნის ურჩია, რომ უარყოს "ჩელსის" და სხვა ინგლისური კლუბების შემოთავაზებები...
"მანჩესტერ იუნაიტედის" ლეგენდარულმა ფეხბურთელმა - სერ ბობი ჩარლტონმა კლუბის თავდამსხმელს, უეინ რუნის ურჩია, რომ უარყოს "ჩელსის" და სხვა ინგლისური კლუბების შემოთავაზებები.
ჩარლტონს სჯერა, რომ რუნის შეუძლია მისი რეკორდის მოხსნა და მას "იუნაიტედში" ნამდვილი "ოქროს ხანა" ჯერ კიდევ წინ აქვს. შეგახსენებთ, რომ ბობი ჩარლტონი კლუბის ისტორიაში გამორჩეულია მისი გოლების რაოდენობით, მას წითლების რიგებში 249 გოლი აქვს გატანილი.
რუნის სულ რაღაც 52 გოლი სჭირდება, რათა გაუტოლდეს სერ ბობი ჩარლტონს, 27 წლის თავდამსხმელს უამრავი რეკორდი აქვს დამხობილი და წესით ამაზე გაჩერებას არ უნდა აპირებდეს.
"ის დარჩება კლუბში, გააგრძელებს კარიერას და დაამხობს ჩემს გოლების რეკორდს!" - განაცხადა სერ ბობი ჩარლტონმა ერთ-ერთ ჟურნალთან ინტერვიუში.
"კლუბი არ აპირებს სულელური გადაწყვეტილებების მიღებას და გუნდიდან ისეთი ფეხბურთელების უაზროდ გაშვებას, როგორიც მაგალითად უეინ რუნია."
"მე ხშირად მიფიქრია იმაზე თუ როგორ დაამხობს რუნი ჩემს რეკორდს, როგორ გაიტანს 249 და მეტ გოლს და ახლაც არ ვიკავებ ამაზე ფიქრისგან თავს. მინდა, რომ ეს ყველაფერი "იუნაიტედში" მოახერხოს."
მან ასევე ისაუბრა დევიდ მოიესსა და მის ხელში მყოფ გუნდის შემადგენლობაზე, მისი აზრით უილფრედ ზაჰას დიდი პოტენციალი აქვს და მას დიდი ყურადღება უნდა მიექცეს.
"რათქმაუნდა წინასასეზონო ტურნე ძალიან მნიშვნელოვანია კლუბის ახალი მწვრთნლეის - დევიდ მოიესისთვის, მე მჯერა, რომ ის მოახერხებს წარმატების მოპოვებას პირველივე სეზონში!"
წყარო: Skysports, Dailymail
სტატიები, ინტერვიუები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.