ეშლი იანგი ბედნიერია იმით, რომ "მანჩესტერ იუნაიტედში" ნახევარდაცვის ფლანგებზე დიდი კონკურენციაა. ინგლისელის აზრით ეს ყველაფერი უილფრიდ ზაჰას დამსახურებაა. იანგმა წინა სეზონში მიღებული ტრამვა უკვე მოიშუშა და გუნდს შეურთდა, მცირე დროში ზაჰამ უკვე შეძლო ეშლის მოხიბვლა.
"ჩვენს გუნდში ძალიან დიდი კონკურენციაა და ამიტომ ყოველდღე უნდა იმუშავო საკუთარ თავზე. "იუნაიტედი" ყოველთვის ემხრობა ისეთი ფეხბურთელების ყიდვას როგორიც ზაჰაა. იგი უბრალოდ შეუდარებელია. უილფრიდი უკვე ტურნეშიც მონაწილებს, მას უკვე ჰქონდა დრო კლუბთას შესაგუებლად. ჩემი გამოცდილებით გეტყვით, რომ როდესაც ამ კლუბში ხარ ძალიან ბევრი უნდა ივარჯიშო, სწორედ ასე იქცევა ზაჰა. მისგან ძალიან კარგი ფეხბურთელი დადგება. უილფრიდი ძალიან ბევრ რამეს სწავლობს, იგი "იუნაიტედს" ძალიან ადვილად შეეგუა რადგან ამ კლუბში ძალიან კარგია".
უკვე 2 წელი გავიდა მას შემდეგ რაც ეშლი იანგი "ასტორ ვილადან" "მანჩესტერ იუნაიტედში" გადაბარგდა.
"ვფიქრობ, რომ ჩემს გარშემო ყველაფერი სწრაფად მოხდა. რამდენიმე წლის წინ ბოსტონის პარკში დავდიოდი, ახლა კი აქ იაპონიაში ვარ. როდესაც "იუნაიტედს" შევუერთდი ყველაფერი ახალი იყო ჩემთვის, თუმცა ვფიქრობ დიდი გამოცდილება მივიღე. ტრამვა მოვიშუშე და გუნდში დავბრუნდი, ამით ძალიან ბედნიერი ვარ. ამ ორი წლის განმავლობაში ძალიან შევიცვალე. გავიზარდე როგორც ფეხბურთელი და ადამიანი, ეს ყველაფერი კი "იუნაიტედში" გადასვლის გამო მოხდა".