გაგანია ზაფხულში, ტრანსფერების ჭორებსა და სხვა ათასი უბედურების შემდეგ, გადავწყვიტე რომ ცვლილება შემეტანა საიტზე და ერთფეროვნება ერთი საათით მაინც დამემარცხებინა. ამიტომ, გადავწყვიტე მცირე ინფორმაცია მომეძია "მანჩესტერ იუნაიტედის" ახალგაზრდა და პერსპეკტიულ ფეხბურთელზე ადნან იანუზაის შესახებ
გაგანია ზაფხულში, ტრანსფერების ჭორებსა და სხვა ათასი უბედურების შემდეგ, გადავწყვიტე რომ ცვლილება შემეტანა საიტზე და ერთფეროვნება ერთი საათით მაინც დამემარცხებინა. ამიტომ, გადავწყვიტე მცირე ინფორმაცია მომეძია "მანჩესტერ იუნაიტედის" ახალგაზრდა და პერსპეკტიულ ფეხბურთელზე ადნან იანუზაის შესახებ.
"ის ამბობს, რომ ნამდვილი ინტელიგენტია, არა? კარგად საუბრობს ხუთ ენაზე და ასე შემდეგ. იცით, გუნდში მყავს 15 წლის ჭაბუკი კოტ-დივიარიდან, რომელიც ასევე არაჩვეულებრივად საუბრობს ხუთ ენაზე."-სერ ალექს ფერგიუსონი "არსენალის" ახალ მწვრთნელზე არსენ ვენგერზე 1996 წელს.
ჩემი აზრით, ახლა გუნდის სათავეში რომ სერ ალექსი ყოფილიყო, ის ახალგაზრდა, ჯიუტი და მოუსვენარი, რომელსაც ჯერ კიდევ არ აქვს მთავარი ტიტული (პრემიერლიგა) მოგებული, მაგრამ "ლივერპულის" დამარცხებას აპირებს, აუცილებლად ამას იტყოდა:
"რა თქვიით? ვენგერს ყველაზე ახალგაზრდა და ნიჭიერი ფეხბურთელები ყავს? ეშმაკმაც დალახვროს! ერთი ადნან იანუზაი სჯობს მის მთლიან, წყეულ აკადემიას. დიახ, ზუსტად ასე ჩაწერეთ!" იმას, რომ ადნანი თავის ახლად დაწყებულ კარიერაში პირველად მოხვდა პირველი გუნდის შემადგენლობაში სერ ალექსის ბოლო მატჩზე,
ძალიან დიდი მნიშვნელობა აქვს. ჩემი აზრით, აუცილებელია, რომ "იუნაიტედის" საუკეთესო ახალგაზრდა ფეხბურთელმა შეძლოს საკუთარი თავი გამოიჩინოს ახლო მომავალში.
ამის უფლება კი მან უკვე დაიმსახურა. ადნანმა არაჩვეულებრივად ჩაატარა ამხანაგური შეხვედრები, რის შედეგაც "იუნაიტედის" გულშემატკივართა გული მოიგო. მისი ტექნიკა, მოედნის ხედვა, კარგი მოძრაობები და უნარი ნებისმიერ სიტუაციაში გამონახოს გამოსავალი, ძალიან კარგ შთაბეჭდილებას ტოვებს მასზე.
"ადნან-კარგად დაბალანსებული ფეხბურთელია. იგი ჯერ კიდევ 18-ის არის და განაგრძობს პროგრესირებას. მას აქვს არაჩვეულებრივი სიჩქარე და ბრწყინვალე ტექნიკა"-სერ ალექსი.
თუ პირველ შეხვედრაში ნათლად ჩანდა მისი სისუსტე და შიში, მეორე თამაშში ავსტრალიელების წინააღმდეგ გამოსული ბოლო 20 წუთზე ადნანი, არაჩვეულებრივად მოქმედებდა.
კარგად ვუყუროთ შემდეგ ორ ვიდეოს:
"Singha All Star"-ის წინააღმდეგ"A-League All Stars"-ის წინააღმდეგდევიდ მოიესის სურვილი, მოაწეროს ბელგიელთან ახალ კონტრაკტს ხელი, ნიშნავს იმას რომ შოტლანდიელმა კარგად შეაფასა მისი მონაცემები და სურს კიდევ დიდხანს ათამაშოს საკუთარ გუნდში.
რამოდენიმე საინტერესო ფაქტი ადნანზე:
1:ადნანისთვის პაექრობაში "იუნაიტედმა" კატალონიელები დაამარცხა და "ანდერლეხტს" 297 ათასი ფუნტი გადაუხადა.
2: იგი დაიბადა 5 თებერვლას. შეგახსენებთ, რომ ამ დღეს ასევე დაიბადნენ კრიშტიანუ რონალდუ, კარლოს ტევეზი და ნეიმარი.
3:იანუზაიმ ძირითადი როლი ითამაშა რეზერვისტთა გუნდის გამარჯვებაში პრემიერლიგის თასზე, სადაც მან საფინალო მატჩში "ტოტემჰემის" წინააღმდეგ დუბლი გაიფორმა.