"მანჩესტერ იუნაიტედმა" შესაძლოა ამ ზაფხულს გერმანელი ფეხბურთელი, მარკო როისი შეიძინოს. როგორც დევიდ მოიესმა განაცხადა, "იუნაიტედმა" "ბარსელონას" ფაბრეგასის შესახებ შეთავაზება გაუკეთა. თუ ესპანელის ყიდვა არ გამოვა, "ეშმაკები" "ბორუსიას" ნახევარმცველზე გადაერთვებიან.
24 წლის უნივერსალ ნახევარმცველს ყველგან თამაში შეუძლია. ხშირად დგას შემტევი ნახევარმცველის პოზიციაზე და ფლანგებზეც ძალიან კარგად გამოიყურება. სწორედ როისი დაეხმარა "ბორუსიას" ჩემპიონთა ლიგის ფინალში გასასვლელად. როგორც Sports Direct News იტყობინება, დევიდ მოიესი მარკოს ტალანტით მოხიბლულია და მის ტრანსფერსაც განიხილავს.
ფაბრეგასის შემცვლელად ასევე მოიაზრებიან "რეალის" ვარსკვლავი ლუკა მოდრიჩი და "ევერტონის" ნახევარმცველი მარუან ფელაინი.