ავსტრალიის All-Star_თან მატჩის დასრულებისთანავე ჯესი ლინგარდმა ინტერვიუს მისცა კლუბის ტელევიზიას.

შესანიშნავი საღამოა, არა ჯესი?

დიახ, ეს ბრწყინვალე იყო. მატჩში ძირითად შემადგენლობაში მოვხვდი და დუბლი გავიფორმე. ამ გულშემატკივრების წინაშე თამაში ნამდვილად შესანიშნავია. გუნდმაც ასევე ძალიან კარგად იმუშავა.

რა გახსოვს გატანილი გოლებიდან?

პირველი გოლიდან მახსოვს, რომ დენიმ გაატარა ბურთი ფეხებს შორის და მოწინააღმდეგის კიპერთან ერთი ერთზე დავრჩი. მეორე გოლის დროს პატრისი შესანიშნავად ჩაერთო შეტევაში და ერთი მცველი თავისკენ გადაიყვანა. სწრაფად შევედი საჯარიმოში და მიზანში დავარტყი. ეს მეორე ტურნეა ჩემთვის გუნდთან ერთად. ძალიან მონდოდა თავის გამოჩენა და ძალიან ბედნიერი ვარ რომ ეს მოვახერხე.

როგორია პირველ გუნდთან ერთად ტურნეზე გამგზავრება და მათთან ერთად ვარჯიში?

ეს წარმოუდგენელია. ყოველთვის გინდა მათთან ერთად იყო. გინდა ივარჯიშო და მოემზადო მატჩებისთვის ისევე, როგორც ისინი. ისინი შესანიშნავი ადამიანები არიან, ყოლველთვის ხუმრობენ და კარგად იღებენ ახალგაზრდა ფეხბურთელებს.

ორი გოლის გატანა შესანიშნავი ხერხია ახალ მწვრთნელზე შთაბეჭდილების მოსახდენად...

ვგრძნობ, რომ ბოლო რამდენიმე დღის განმავლობაში კარგად ვივარჯიშე და ამიტომ ძირითად შემადგენლობაში მოვხვდი. ბედნიერი ვარ, რომ გავიტანე.

კმაყოფილი ხარ, რომ შენთან ერთად დენი უელბეკმაც გაიფორმა დუბლი ?

დიახ. ის ვარჯიშებზე სულ იტანს და დხესაც შეძლო ორის გატანა. ეს მას თავდაჯერებულობას შემატებს.

წყარო:Manutd8.com