დღეს გაიმართა ამხანაგური მატჩი ა ლიგის ვარსკვლავებსა და მანჩესტერ იუნაიტედს შორის. მატჩი მანჩესტერელთა უპირატესობით დაიწყო, ანგარიშიც მათვე გახსნეს. 11–ე წუთზე იუნაიტედის ახალგაზრდა ფეხბურთელმა ჯესი ლინგარდმა წინ გაიყვანა იუნაიტედი. მეორე გოლი დენი უელბეკის ანგარიშზეა, რომელმაც გიგზის შესანიშნავი პასით ისარგებლა და შანსი არ დაუტოვა მეკარეს. 52–ე წუთზე მასპინძლებმა სხვაობის შემცირება მოახერხეს, 2–1. ჯესი ლინგარდმა მალევე გაზარდა სხვაობა, 54–წუთზე ახალგაზრდა ტალატმა ტაბლოზე 3–1 დააფიქსირა. დენი უელბეკმა დუბლი შესრულა, 70–ე წუთზე ინგლისელმა ანგარიში 4–1 გახადა. თავისი გოლი მოედანზე ახლად შემოსულმა რობინ ვან პერსიმაც გაიტანა, 87–ე წუთზე ჰოლანდიელმა მატჩის საბოლოო ანგარიში 5–1 დააფიქსირა.