"მადრიდის რეალის" შემტევი გონსალო იგუაინი "ჩელსის" რადარზე მოექცა. მოურინიო ბოლო დღეებში იმეორებდა, რომ ლონდონურ კლუბს რუნის გარდა არავინ სურდა, თუმცა გონსალომ ინტერვიუში "ჩელსის" ინტერესი დაადასტურა.
გონსალოს "არსენალსაც" უკავშირებდნენ, თუმცა ვენგერმა არგენტინელის გაფორმება ვერ შეძლო. "ჩელსი" "რეალს" იმ შემთხვევაში დაუკავშირდება თუ უეინ რუნის ვერ იყიდიან. "მანჩესტერ იუნაიტედის" მთავარმა ბოსმა დევიდ მოიესმა კი განაცხადა, რომ უეინი არ იყიდება.
"ჩელსი" ხშირად ცდილობდა ინგლისელი ფორვარდის შეძენას თუმცა ამაოდ. რუნის შეძენის შანსი ამ ზაფხულსაც შემცირდა, რადგან მოიესის ინტერესებში მისი გაშვება არ არის. გავრცელდა ჭორები, რომ რუნი "ოლდ ტრაფორდზე" ბედნიერი არ არის. მიზეზი კი შოტლანდიელის ინტერვიუა, დევიდმა რუნი ვან პერსის შემცვლელად მოიაზრა.