რიო ფერდიანდმა განაცხადა, რომ "მანჩესტერ იუნაიტედს" ასეთი რთული სეზონის დასაწყისი, დიდი ხანია უკვე აღარ ჰქონია.
კლუბმა რომელმაც ამ ზაფხულს ახალი მწვრთნელი მოიყვანა, ასევე კიდევ არ გაძლიერებულა ტრანსფერებით და ბოლოს ამას ემატება რამდენიმე წამყვანი ფეხბურთელის ტრავმაც. ამ მდგომარეობაში კი "მანჩესტერ იუნაიტედის" ფეხბურთელები პრემიერ-ლიგის ტიტულის დაცვას აპირებენ.
ასევე არ უნდა დავივიწყოთ "იუნაიტედის" სათამაშო ცხრილიც. პირველ ხუთ თამაშში, მოიესის შეგირდებს მოუწევთ "ლივერპულთან", "ჩელსისთან" და "მანჩესტერ სიტისთან" შერკინება.
"ამ წელს არანაირი ჩავარდნა არ გვექნება და მატჩების მოგებას პირველივე თამაშებიდან დავიწყებთ! ჩვენ ბევრი რთული მატჩის ჩატარება მოგვიწევს სეზონის დასაწყისშივე, მაგრამ გასვლითი მატჩი "სუონსისთან" ნამდვილად რთული იქნება. ჩვენ კარგად უნდა მოვემზადოთ და საკუთარ თავებში დავრწმუნდეთ, რომ ტიტულის დასაცავად მზად ვართ." - განაცხადა ფერდინანდმა ESPN-თან.