"ჩელსის" მთავარმა მწვრთნელმა ჟოზე მოურინიომ დავიდ ლუისის და ხუან მატას კლუბიდან წასვლა გამორიცხა, ამ ზაფხულს - გვამცნობს Sky Sports.
ამ კვირაში გაჩნდა ინფორმაცია, რომ "ჩელსიმ" "მანჩესტერ იუნაიტედს" უეინ რუნის სანაცვლოდ შესთავაზა 10 მილიონი ფუნტი და ამას კიდევ დამატებით დავიდ ლუისი ან კიდევ ხუან მატა. მალევე "ლურჯებმა" ეს ინფორმაცია დაადასტურეს, მაგრამ შეთავაზებაში არ იყო ნახსენები "ჩელსის" არც-ერთი ფეხბურთელი.
წინასასეზონო ტურნეს დროს მალაიზიაში მოურინიომ საბოლოოდ განაცხადა, რომ ლუისს და მატას კლუბიდან არ გაუშვებდნენ. კითხვაზე, გაყიდდა თუ არა კლუბი ამ ორი ფეხბურთელიდან ერთ-ერთს მაინც, პორტუგალიელმა სპეციალისტმა ასეთი პასუხი გასცა მედიას:"შანსი არ არის! შანსი არ არის!"