"იუნაიტედის" ახალწვეულის გილერმო ვარელას აგენტმა პოლ ბენტანკურმა არ გამორიცხა მისი კლიენტის სამხრეთ ამერიკაში გადაბარგება.
ვარელა "მანჩესტერ იუნაიტედში" წინა თვეში გადავიდა, მაგრამ მალევე ის მსოფლიოს U20 ჩემპიონატს შეუერთდა თურქეთში, სადაც ურუგვაის შემადგენლობაში ვერცხლის პრიზიორი გახდა.
არგენტინული "ბოკა ჰუნიორსი" ვარელას თამაშით მოხიბლულია და კლუბს სურს ურუგვაელის არენდით აყვანა.
"ვარელა შესაძლოა "ბოკა ჰუნიორსს" შეუერთდეს! არგენტინული კლუბი ვარელას თვალს ადევნებდა, მაგრამ ურუგვაელი "მანჩესტერ იუნაიტედში" გადაბარგდა სათამაშოდ. მე ვმუშაობ ვარელასთან და "მანჩესტერ იუნაიტედთან", რომ გავარკვიო, შესაძლებელია თუ არა ფეხბურთელის არენდით არგენტინაში წასვლა." - განაცხადა ვარელას აგენტმა.