ბევრი ბრიტანული გამოცემა გვამცნობს, რომ 18 წლის ბელგიელი ნახევარმცველი ადან იანუზაი, რომელიც "მანჩესტერ იუნაიტედის" ღირსებას იცავს - ახალ კონტრაქტს შესთავაზებს კლუბი.
იანუზაი, რომელმაც გასულ სეზონში მიიღო წოდება "სეზონის საუკეთესო რეზერვისტი", არა მარტო უორენ ჯოისის მოწონება დაიმსახურა, არამედ "იუნაიტედის" პირველი გუნდის სამწვრთნელო შტაბისაც. ახალგაზრდა ბელგიელი ნახევარმცველი კლუბთან ერთად გაემგზავრა ტურნეზე და პირველივე თამაშში "მატჩის საუკეთესოს" წოდებაც მიიღო.
ამ მატჩის შემდეგ, პრესაში უმალვე გაჩნდა საუბარი იმაზე, რომ ნახევარმცველით "ბარსელონა" და "იუვენტუსი" იყვნენ დაინტერესებულნი, მაგრამ იანუზაის აგენტმა ყველაფერი უარყო და ისიც განაცხადა, რომ მისი კლიენტი კლუბთან ახალ კონტრაქტს გააფორმებდა.