"ევერტონის" ბელგიელმა ნახევარმცველმა მარუან ფელაინიმ დაადასტურა "მანჩესტერ იუნაიტედის" ინტერესი - გვამცნობს London Evening Standard.
25 წლის ბელგიელი "ევერტონმა" 23.5 მილიონ ფუნტად შეაფასა. ტრანსფერის განსახორციელებლად მხოლოდ ფეხბურთელის თანხმობაა საჭირო.
ასევე ცნობილია, რომ "იუნაიტედთან" ერთად ფელაინისადმი ძალიან დიდი ინტერესი გამოიჩინა "არსენალმაც". თუ საქმე ტრანსფერზე მიდგება, ფელაინი პრემიერ-ლიგის ჩემპიონებს მიანიჭებს უპირატესობას.
ფელაინის ძალიან მოსწონს აზრი, შეუერთდეს დევიდ მოიესს, რომელიც "იუნაიტედს" ხელმძღვანელობს. ასევვე ეს ტრანსფერი მარუანისთვის იმიტომ იქნება ხელსაყრელი, რომ ამ პოზიციაზე "წითლებში" მას კონკურენცია მინიმალური ექნება.
ასევე დავამატებ იმასაც, რომ მარუანი უკვე გარკვეული დროა, რაც ოჯახთან ერთად მანჩესტერში ცხოვრობს და ძალიან მოსწონს ახალი გარემო.