"მანჩესტერ იუნაიტედის" გარემარბი, ლუიშ ნანი კლუბთან ახალ კონტრაქტს მოაწერს ხელს. დევიდ მოიესი მიიჩნევს, რომ 26 წლის პორტუგალიელი ნახევარმცველი მომდევნო სეზონში გადამწყვეტ როლს ითამაშებს. მიუხედავად გასული წლის ცუდათ თამაშისა, ნანი გამოცდილი ფეხბურთელია და მაღალ დონეზე თამაში იდეალურად შეუძლია.
ცნობისთვის გეტყვით, რომ ნანის მიმდინარე კონტრაქტი მომავალი წლის ზაფხულში ეწურება, მოიესი კი დაჟინებით ახალ კონტრაქტს ამზადებს ფეხბურთელისთვის. დევიდი თავად დაპირდა პორტუგალიელს, რომ იგი ხშირად ითამაშებს მომავალ სეზონში.
შეგახსენებთ, რომ ნანი გუნდს წინასასეზონო ტურნეზე იმის გამო არ გაყვა, რომ მან ცხვირის ოპერაცია გაიკეთა. თუმცა, ყველაფერი კარგად დასრულდა და ამ კვირაში გარემარბი დაიწყებს სასწავლო წვრთნას.