"მანჩესტერ იუნაიტედი" დღეს დილით ავსტრალიაში ჩაფრინდა, ფანები მანკუნიანელებს, როგორც აზაში ასევე "სიდნეიშიც" დიდებულად დახვდნენ. რაიან გიგზმა და დევიდ მოიესმა, პრესკონფერენცია გამართეს. მიუხედავად იმისა, რომ უელსელი ტიტულების მოპოვებაში რეკორდსმენია, ის მაინც ახერხებს თამაშებში გამარჯვების მოტივაციის შენარჩუნებას. ახალი სეზონი რაიანისთვის 23-ე აღმოჩნდება. გასულ წელს სერ ალექს ფერგიუსონმა 39-წლის ვეტერან ფეხბურთელს ერთწლიანი კონტრაქტი შესთავაზა და გიგზიც შოტლანდიელს უმალ დათანხმდა. "წითელი ეშმაკუნები" დღეს "სიდნეის" ესტუმრნენ, რათა გააგრძელონ წინასასეზონო ტურნეზე თამაში.
"დამიჯერეთ ყოველ თამაშში იმხელა სიამოვნებას ვიღებ, როგორც 20 წლის წინ. თითოეული მატჩის ჩატარება ჩემთვის დიდი ბონუსია. როცა "მანჩესტერში" თამაშობ ყველაფერი უნდა გაიღო იმისთვის, რომ კლუბს წარმატება მოუტანო. ახალი სეზონი ახლოვდება და იმედი მაქვს, სეზონის ბოლოს ტიტული კვლავ ჩვენს ხელში იქნება. მართალია პაპანაქება სიცხეში ყოველდღიურად ვარჯიში ძნელია, მაგრამ იმდენი მძიმე სამუშაო უნდა გავაკეთოთ, რომ მომავალ სეზონში ამან ნაყოფი გამოიღოს. ჩვენ მოუთმენლად ველით A-League All Stars–ის წინააღმდეგ თამაშს და ამავდროულად იმედს ვიტოვებთ, რომ გუშინდელის შემდეგ გავაუმჯობესებთ თამაშს და მაყურებელი აღფრთოვანებული დარჩება". – აცხადებს რაიან გიგზი.
დევიდ მოიესის განცხადებით: "წინასასეზონო ტურნეზე მომზადება, ჩვენთვის სასიცოცხლოდ მნიშვნელოვანია. უეინი "მანჩესტერში" დაბრუნდა ტრავმის გამოკვლევის ჩასატარებლად, იგი ორი სამი კვირით ვერ შეძლებს თამაშს, თუ ექიმებს დავუჯერებთ რუნის მყისი აქვს დაჭიმული. საბედნიეროდ, რობინ ვან პერსი შეუერთდება გუნდს აქ "სიდნეიში", რომელიც კლუბს დაეხმარება".
"მე ვიცი, ზოგიერთი ავსტრალიის მოთამაშე. წარსულში ტიმ კეჰილი იყო ჩემი ყოფილი შეგირდი. ასევე ვიცი, ლუკას ნეილი. წინასასეზონო ტურნე ჩვენთვის დიდი გამოცდა იქნება. მე დავაკვირდები ახალგაზრდებს და თუ ისინი მოედანზე კარგად გაირსჯებიან, მაშინ ძირითადში მოხვედრის შანსს მივცემ. ჩემი მთავარი მიზანია რაც შეიძლება ბევრი ტიტულის მოპოვება". - ციტირებს დევიდ მოიესი.