"მანჩესტერ იუნაიტედის" მთავარი მწვრთნელი დევიდ მოიესი გამოეხმაურა "ჩელსის" მთავარი მწვრთნელის, ჟოზე მოურინიოს სიტყვებს.
ჟოზე მოურინიომ განაცხადა, რომ მასზე დიდი შთაბეჭდილება მოახდინა "იუნაიტედის" ინგლისელმა ფორვარდმა უეინ რუნიმ და აქვე დასძინა, რომ მას დიდი სიამოვნებით იხილავდა თავის გუნდში. ერთი კვირის წინ იუნაიტედის ახალმა თავკაცმა, დევიდ მოიესმა განაცხადა, რომ 27 წლის ინგლისელი არ აპირებს გუნდიდან წასვლას და იუნაიტედში რჩება. შეგახსენებთ, რომ რუნიმ მიიღო მუხლის ტრავმა აზიაში და იგი ინგლისში დაბრუნდა სამკურნალოდ.
"მეუბნებიან, რომ რუნი არ იყიდება, მაგრამ რატომ მეუბნებიან ამას ვერ ვხვდები. მე არ ვაპირებ უეინის გაყიდვას სხვა რომელიმე კლუბში, მე ძალიან მიხარია, რომ კიდევ ერთხელ მომეცა მასთან მუშაობის შანსი ამდენი ხნის შემდეგ და ამიტომ ვიმეორებ, რუნი არის იუნაიტედის ფეხბურთელი და ეს ასე იქნება სამუდამოდ." - დაასრულა შოტლანდიელმა.
წყარო: http://www.sports.ru/
სიახლეები
6 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.