სერ ალექს ფერგიუსონმა ამასწინათ აღნიშნა, რომ ბრაზილიელს არ გაუმართლა და 2012/13 სეზონზე ნახევარდაცვის ცენტრში პოლ სქოულზთან და მაიკლ კერიკთან ერთად ძალიან იშვიათად უწევს თამაში. ამის მიზეზი კი მხოლოდ და მხოლოდ უიღბლობაა. თავად ანდერსონისთვის კი მთავარი მიზანი პროგრესირება და ძირითად შემადგენლობაში მოხვედრაა, რისი მიღწევაც საკუთარ თავზე მუშაობით კარგ ფორმაში შესვლით იქნება შესაძლებელი.
"მე ჩემს თავში დარწმუნებული ვარ და კარგია, რომ მწვრთნელისგან ასეთ სიტყვებს ვისმენ. ახლა, ჩემი მიზან პროგრესირება და მუდმივად თამაშია. თუ კარგ ფორმაში დავრჩები, ვიცი, ძირითადში მოხვედრის შანსები მომეცემა. მე ნამდვილად ვცდილობ და ყველაფერს ვაკეთებ, რომ ფორმაში შევიდე." - განუცხადა ანდერსონმა United Review-ს.
ოლივერა უკვე ხვდება, რომ სასტარტო შემადგენლობაში ხშირად მოსახვედრად საკუთარ თავზეა მუშაობა და მოცდაა საჭირო.
"ადრე, ალბათ დროს ათას წვრილმანში ვხარჯავდი და კონცენტრაციას მხოლოდ ფეხბურთის თამაშზე ვაკეთებდი. საბოლოოდ მივხვდი, რომ ფორმაში 100%-ით შესული არ ვიყავი და მომიწევდა მოცდა, სანამ შანსებს არ მივიღებდი.
ეს კი ძნელი ასატანია, რადგან როცა ფეხბურთელი ხარ, გინდა, რომ არცერთი მატჩი არ გამოტოვო. წარსულში ვცადე, რომ გამოვცოცხლებულიყავი, მაგრამ ყველაფერი ტრავმებით დამთავრდა. ახლა უკვე მივხვდი, რომ ყველაფერი სწორად უნდა გავაკეთო." - დაასრულა ანდერსონმა.

წყარო: manutd.com