"ბაიერნის" მთავარმა მწვრთვნელმა პეპ გუარდიოლამ განაცხადა, რომ ტიაგო ალკანტარას გაფორმება სურს. 22 წლის ნახევარმცველს "მანჩესტერ იუნაიტედსაც" უკავშირებენ, თუმცა ეს წინა კვირას ხდებოდა.
პეპ გუარდიოლა ყველანაირად ეცდება ტიაგო გერმანიაში წაიყვანოს. შესაძლოა ესპანელი "ბაიერნის" ლიგაზე წარმატებით გამოსვლამ დააფიქროს და ბავარიელებს შეურთდეს.
"მე ტიაგოს გაფორმება მსურს. ესპანეთში უკვე გავაგზავნე წერილი, არ ვიცი შემდგომ რა მოხდება. ვფიქრობ არანაირი პრობლემა არ იქნება. მე კლუბის დირექტორებს ვესაუბრე და განვუცხადე, თუ რატომაა ტიაგოს ტრანსფერი აუცილებელი. ალკანტარა ერთადერთი მოთამაშეა რომლის ყიდვაც მსურს, სწორედ ეს ვუთხარი მათ".
"დანარჩენ ყველაფერს კლუბის ექსპერტები გადაწყვეტენ. ტიაგოს ალბათ ბარსას დატოვება სურს, ისე ესპანეთიდან ვერავინ წამოვა. მას სათამაშო დრო სურს და სწორედ ამას შევთავაზებ ჩემს კლუბში".