მოიესი კლუბის პოპულარობით გახარებული და გაკვირვებული დარჩა
დღეს დილით "მანჩესტერი" 12 საათიანი ფრენის შემდეგ ბანკგოკში ჩავიდა. აეროპორტში "იუნაიტედს" ზღაპრული დახვედრა მოუწყეს. დევიდ მოიესი კი კლუბის პოპულარობით გახარებული და გაკვირვებული დარჩა...
დღეს დილით "მანჩესტერი" 12 საათიანი ფრენის შემდეგ ბანკგოკში ჩავიდა. აეროპორტში "იუნაიტედს" ზღაპრული დახვედრა მოუწყეს. დევიდ მოიესი კი კლუბის პოპულარობით გახარებული და გაკვირვებული დარჩა: "ასეთი რამ პირველად ვნახე. ძალიან სასიხარულოა ამდენ ხალხს ასე, რომ უყვარხარ. ხალხს ხელში ბანერები ეჭირა, ასევე დროშები და ფეხბურთელების სურათები. ჩასვლისას, დაგვახვედრეს რა? – ავტტობუსი, რომელზეც "მანჩესტერის" მოთამაშეები არიან ზედ გამოსახულნი, შემდეგ კი ქალაქის ღირსშესანიშნაობების დასათვალიერებლად წაგვიყვანეს. ყველა პირობა გვაქვს შექმნილი, რათა ფეხბურთელები ახალი სეზონის დაწყებამდე კარგად მოემზადონ".
დევიდ მოიესმა პატივისცემა გამოხატა მონარქისა და მისი მეუღლის სურათებთან...
"როცა გუნდში ახალი მწვრთნელია, ბუნებრივია, რომ ყველა მოთამაშე შეეცდება წინასასეზონო ტურნეზე შთაბეჭდილება მოახდინოს", - აცხადებს მოიესი ოფიციალურ საიტზე.
რიო ფერდინანდი: "ძალიან სასიამოვნოა იმის ყურება, თუ როგორ უყვარხარ გულშემატკივრებს. ამ ტურნეზე თითოეული ფეხბურთელი ჩვენს საუკეთესო ფორმას გამოვამჟღავნებთ. ეს არის ახალი ერა ყველა ჩვენგანისთვის. იმედია ყველა ერთიანად გავერთიანდებით და მომავალ სეზონს წარმატებას მივაღწევთ".
მოიესის პირველი ამოცანა გიგზია, რომელმაც ამ სეზონში თავის თავზე აიღო მოთამაშე-მწვრთნელის როლი. უელსელმა ტაილანდელების საპატივსაცემოდ ხელი მოაწერა წიგნს, რომელსაც "კეთილი სურვილები" ჰქვია. მიუხედავად იმისა, რომ "იუნაიტედის" ფეხბურთელებს 12 საათიანი ფრენა მოუწიათ, დღესვეა დაგეგმილი ტრენინგი. რობინ ვან პერსი კლუბს ვერ დაეხმარება, რადგან ავსტრალიაშია კერძოდ - იოკოჰამაში დასასვენებლად. იმისდა მიუხედავად, რომ დევიდ მოიესმა კლუბის პრესკონფერენციაზე განაცხადა, რომ რუნი არ იყიდება, ინგლისელი თავდამსხმელი 29 ივლისს ყურადღების ცენტრში მაინც იქნება, რადგან 30-ში სატრანსფერო ფანჯარა ოფიციალურად დაიხურება.