,,მანჩესტერ იუნაიტედის'' ოფიციალურმა ვებ-გვერდმა დაადასტურა, რომ ფილ ნევილი ,,იუნაიტედის'' სამწვრთნელო შტაბს შეუერთდა და დევიდ მოიესის დამხმარე იქნება.
ამ გადაწყვეტილების შესახებ დევიდ მოიესმა გააკეთა კომენტარი: " ფილ ნევილთან 8 წლის განმავლობაში ვმუშაობდი და ვიცი როგორი ერთგული პიროვნებაა იგი. მას აქვს დიდი და ძლიერი სურვილი ლიდერობის. ფილს ყოველთვის სურს საუკეთესო იყოს საქმის ვითარებაში და დარწმუნებული ვარ, რომ ის იქნება ღირსეული მწვრთნელი გუნდის სამწვრთნელო შტაბში. - განაცხადა დევიდ მოიესმა Manutd.com-თან.
ამ გადაწყვეტილების შესახებ, ფილ ნევილმაც გააკეთა კომენტარი: "მე რომ დავასრულე ფეხბურთი, მინდოდა დავრჩენილიყავი მოედანზე. ბოლო რამდენიმე წლის განმავლობაში ამისთვის ვემზადებოდი. როდესაც მოიესმა დამირეკა ამ საკითხთან დაკავშირებით, უბრალოდ მას უარი ვერ ვუთხარი. თქვენ მე მიხილეთ ,,ევერტონსა'' და ,,იუნაიტედში''. ეს ორი გუნდი ჩემს გულში ყოველთვის იქნება და დარწმუნებული ვარ, რომ დავიდ მოიესთან მუშაობა დიდ სარგებლობას მომიტანს და ჩვენ შევძლებთ წვლილის შეტანას ,,იუნაიტედის'' წინსვლაში. - განაცხადა ინგლისელმა მწვრთნელმა.