გიგზი მოთამაშე-მწვრთნელი, ფილ ნევილი - მოიესის თანაშემწე იქნება
"მანჩესტერ იუნაიტედმა" ოფიციალურად გამოაცხადა, რომ ვეტერანი ნახევარმცველი რაიან გიგზი მოთამაშე-მწვრთნელი იქნება. ფილ ნევილი, კი დევიდ მოიესის თანაშემწე...
"მანჩესტერ იუნაიტედმა" ოფიციალურად გამოაცხადა, რომ ვეტერანი ნახევარმცველი რაიან გიგზი მოთამაშე-მწვრთნელი იქნება. ფილ ნევილი, კი დევიდ მოიესის თანაშემწე.
შემდეგ ზაფხულს, გიგზი მიიღებს უეფას სამწვრთნელო შტაბისგან "პრო" ლიცენზიას. მანამდე კი, უელსელი მოიესთან ერთად ახალ გამოცდილებას შეიძენს.
"მოხარული ვარ, რომ რაიანი თანახმაა გახდეს მოთამაშე-მწვრთნელი. მისი წარმატება და ადაპტირების უნარუ წლების განმავლობაში შეუდარებელია. თანამედროვე ფეხბურთში მისი პერსპექტივა საოცრებაა. მისი კარიერა კი ნებისმიერ ახალგაზრდა მოთამაშეს კარგისკენ შთააგონებს", - აცხადებს მოიესი "იუნაიტედის" ოფიციალურ ვებ-გვერდზე".
გარდა ამისა, 39 წლის უელსელს, გარი ნევილის უმცროსი ძმა ფილი დაეხმარება, რომელმაც გასულ სეზონში "ევერტონში" დაასრულა კარიერა. ცნობისთვის გეტყვით, რომ ფილ ნევილმა "ოლდ ტრაფორდზე" 385 მატჩში მიიღო მონაწილეობა, რაც ნიშნავს, რომ თითქმის 11 სეზონი ითამაშა მანკუნიანელებში. "კანფეტებში" კი მოიესის კვალდაკვალ 7 წელი მოუწია მუშაობა.