დევიდ მოიესი ოფიციალურად ახლახანს დაინიშნა "იუნაიტედის" თავკაცად, მაგრამ უკვე განხორციელდა რამდენიმე მნიშვნელოვანი ცვლილება, რომლებსაც სტატიაში სრულად იხილავთ...
ცვლილებები, რომელიც სეზონის დასრულებისთანავე განხორციელდა ძირითადად სამწვრთნელო შტაბს ეხება.თავდაპირველად გუნდიდან სერ ალექს ფერგიუსონის მარჯვენა ხელი, მაიკ ფელანი წავიდა, გულშემატკივართა მრავალი თხოვნის მიუხედავად.ის უანგაროდ ემსახურებოდა კლუბს, იმის მიუხედავად, რომ მისი ტაქტიკური შესაძლებლობები არ იყო კარგად დახვეწილი, მაინც დიდი დანაკლისი იქნება მანჩესტერული გუნდისთვის.ამას ემატება მეკარეთა მწვრთნელის, ერიკ სტილის, მთავარი სკაუტის მარტინ ფერგიუსონის და პირველი გუნდის მწვრთნელის რენე მალესტინის წასვლა, რაც უთუოდ ცუდათ დაეტყობა კლუბს.გარკვეულ მომენტში, შესაძლოა გავუგოთ დევიდ მოიესს-მას ალბათ არ სურს ძველ გვარდიასთან ერთად მუშაობა.მას წარმატებების მიღწევა თავად სურს.მოიესის სურვილის მიუხედავად, ეს ძალიან გაჭირდება.ზოგიერთი ექსპერტი დადებითად აფასებს დევიდის გადაწყვეტილებას, ზოგიც აკრიტიკებს.სტატიის შემდგომ ნაწილში განვიხილავ ამ გადაწყვეტილების სისწორეს-რას მოუტანს ეს "იუნაიტედს"?
წარსული
სურვილი თავის დაღწევისა ყველაფერი ძველისგან შესაძლოა ტრაგიკულიც აღმოჩნდეს გუნდისთვის, რომელმაც ბევრ წარმატებას სწორედ სამწვრთნელო შტაბის დახმარებით მიაღწია.ყველაზე მეტად ეს თემა რენე მალესტინს ეხება, რომელიც უსაფუძვლოდ გაათავისუფლეს.ამ ადამიანმა თავიდან ბოლომდე იცოდა ყველაფერი მანჩესტერში.მას ნდობა თავად სერ ალექსმაც გამოუცხადა და რენეც თავდაუზოგავად შრომობდა.ახალგაზრდულ გუნდთან ერთად მან დიდ წარმატებას მიაღწია-წინა წელს მან ტრებლი მოიგო.ფელანთან ერთად ის ყოველდღე ავარჯიშებდა პირველ გუნდს, იცოდა ყველაფერი მათ შესახებ და მოთამაშეებიც აფასებდნენ მათ.კონფლიქტები ადამიანებს შორის გარდაუვალია.ფეხბურთელებს შორის ეს ნორმალური მოვლენაა.ჩხუბის შემდეგ როდესაც შენიშვნას უცხო მოგცემს ეს ალბათ არ უნდა იყოს სასიამოვნო.ახლებსა და ძველებს შორის უნდა არსებობდეს გარკვეული კავშირი.დიახ, ისინი პროფესიონალებად ითვლებიან, მაგრამ ისინი ჩვეულებრივი მოკვდავები არიან.მოიესმა უნდა გაიგოს, რომ პატივისცემა უნდა დაიმსახურო.ის უნდა იყოს სტაბილური, რაც "იუნაიტედისთვის" სავიზიტო ბარათად იქცა.
მომავალი
თუ დავუჯერებთ გამოცემა The Telegraph-ს, სტივ რაუნდი, მოიესის თანაშემწე "ევერტონში", იმუშავებს მანჩესტერში.აქვე ისმის შეკითხვა:
რატომ სტივ რაუნდი?42 წლის სპეციალისტი მანამდე მუშაობდა
სტივ მაკლარენთან("დერბი ქაუნთი"), გარეტ საუტგეიტთან("მიდლსბრო") და სემ ელერდაისთან("ნიუკასლი').ისევე როგორც მოიესი, ისიც არ ყოფილა გუნდში, რომელიც თასებისთვის იბრძვის.ამის მიუხედავად, მას აქვს კარგი რეპუტაცია-სტივი პერსპექტიულ მენეჯერად ითვლება.სტივის გარდა, გუნდში შესაძლოა დაბრუნდეს ყოფილი "მანკუნიანი" ფილ ნევილი.ამას The Independent ვარაუდობს.ამ ფაქტმა შესაძლოა სტაბილური გახადოს სიტუაცია, მაგრამ უმჯობესი იქნებოდა სამწვრთნელო შტაბში პოლ სქოულზი და რაიან გიგზის ყოფილიყვნენ.დევიდ მოიესს სჭირდება მანჩესტერელები სათადარიგო სკამზე.მაგალითად იგივე რაიან გიგზი, რომელსაც ყველა პატივს სცემს გუნდში.რათქმაუნდა, იმას არ ვგულისხმობ, რომ დევიდ მოიესის მოსვლისთანავე გუნდში ბუნტი დაიწყება, მაგრამ მას დასჭირდება დიდი შრომა პატივისცემის მოსაპოვებლად.შოტლანდიელს სჭირდება ადამიანები, რომლებიც მას ბოლომდე ენდობიან.