რობინ ვან პერსის 20 დასამახსოვრებელი მომენტი საჩემპიონო სეზონიდან.

"ოლდ ტრაფორდზე" გადასვლა. მახსოვს, ეს დღე იყო ძალიან ამაღელვებელი. მე მთელ სხეულში ადრენალინს ვგრძნობდი.



პირველი ვარჯიში. ეს ჩემთვის დაგვიანებით დაიწყო. სანამ ოფიციალურად ვარჯიშს შევუდგებოდი, მე უნდა გამევლო სამედიცინო შემოწმება. მე მოუთმენლად ველოდი მოედანზე გასვლას.



პირველი თამაში "იუნაიტედის" მაისურით. დაწყება იყო რთული. მე მოედანზე გამოვედი მატჩის დამთავრებამდე ოცი წუთით ადრე, "ევერტონის" წინააღმდეგ. მიუხედავად იმისა რომ ჩვენ წავაგეთ, ეს იყო შესანიშნავი დღე ჩემთვის. მე ვამაყობდი იმით, რომ დებიუტი მქონდა "იუნაიტედში"



დებიუტი "ოლდ ტრაფორდზე". გოლის გატანა საწყის ათ წუთში, პირველ საშიანო მატჩში - ამაზე მხოლოდ ოცნება შეიძლება. ეს იყო შესანიშნავი დღე! მე ვითამაშე 90 წუთი, მაგრამ, უნდა გამოვტყდე, რომ ერთი საათის შემდეგ ძალიან დავიღალე და ძალა გამოლეული მქონდა.



პირველი ჰეთ-თრიკი. გასაგიჟებელი თამაში, მაგრამ ჩვენ არასდროს ვნებდებით. გასახდელში გუნდელებს ბოდიში მოვუხადე იმის გამო, რომ პენლის რეალიზიბა ვერ მოვახერხე. ეს იყო შესანიშნავი გამარჯვება და ვამაყობდი, რომ წვლილი მიმიძღვოდა ამაში.



გამარჯვება "ენფილდზე". ამჯერად მე პენლის დასატყმელად დიდი პასუხისმგებლობით მივედი. ძალიან სასიამოვნო იყო გამარჯვების გოლის გატანა. ეს არ იყო ჩემი ყველაზე წარმატებული მატჩი, მაგრამ მაინც ბედნიერი ვიყავი, რომ დავამარცხეთ "ლივერპული".



მატჩი "კლუჟთან". ჩემი მეორე გოლი იყო "ვაზას" ფანტასტიური მუშაობის ნაყოფი. მეკარე ჩემ შესახვედრად გამოვიდა და მე უბრალოდ გავგზავნე ბურთი კარის მიმართულებით. გოლი საკმაოდ ლამაზი გამოვიდა.



თამაში "სტემფორდ ბრიჯზე". მე ძალიან მიყვარს ამ სტადიონზე თამაში და ყოველთვის ბევრ გოლს ვიტან. ეს კარგი ადგილია მოსაგებად.



მატჩი "არსენალთან". უცნაური დღე. მე მანამდე არასდროს მითამაშია ყოფილ გუნდთან, ამიტომ მქონდა უცნაური გრძნობა. თუმცა ესეთია ჩემი სამუშაო, ამას ვერ შევცვლი.



დერბი. მე და უენი ვარკვევდით როგორ გამოგვეყენებინა ეს ჯარიმა. დამერტყა თუ ჩამეწოდებინა. ჩემი დარტყმა მცირედით შეეხო ცოცხალ კედელს და კარის დაბალ კუთხეში გავიდა. ამაზე დიდ წარმატებაზე ვერც კი იოცნებებ.



სათასო მატჩი "ვესტ ჰემთან". გიგზის პასი იყო იდეალური. მე არც კი მომიწია ამ ბურთისთვის ბრძოლა. მე მქონდა საკმარისი დრო იმისათვის, რომ შემესრულებინა ზუსტი დარტყმა.



თამაში "სპურსთან". ძლიერად თოვდა, ციოდა, და მოწინააღმდეგეებმა მოახერხეს ფრეს მოპოვება ბოლო წუთებზე. მე გავიტანე კლევერლის კარგი პასის შემდეგ, თუმცა არასასურველი რეზულტატი უფრო დამამახსოვრდა.



თამაში "ევერტონთან". მე პირველ შემთხვევაში არ გამიმართლა და ვერ გავიტანე გოლი, თუმცა მეორე შემთხვევაში გამიმართლა და ჩვენ დავწყნარდით, რადაგან წინა სეზონის დაპირისპირება მათთან (4-4) საბედისწერო აღმოჩნდა.



მატჩი "ბერნაბეუზე". ერთ-ერთი ყველაზე გამორჩეული სტადიონი მსოფლიოში, სადაც პირველად მოვხვდი. ჩვენ კარგი შანსები გვქონდა გასამრჯვებლად. უფრო სწორად, ჩვენ ვალდებულები ვიყავით გაგვემარჯვა.



საპასუხო მატჩი "ოლდ ტრაფორდზე". ნანის წითელ ბარათამდე ჩვენ ყველაფერს სწორად ვაკეთებდით. ჩვენ მსაჯის ამ გადაწყვეტილებით შოკირებულები ვიყავით.



გოლი "სტოკის" კარში. გუნდელებს ძალიან უნდოდათ, რომ დამესრულებინა ეს უიღბლო სერია, ამიტომ ბედნიერება ყველას გავუზიარე. მე ძალიან მინდოდა მადლობა გადამეხადა სერ ალექსისთვის.



"სპურსის" გულშემატკივრობა. მე ვგულშემატკივრობდი "ტოტენჰემს", როცა ისინი "სიტის" ეთამაშებოდნენ. შეგიძლიათ დაიჯეროთ? "არსენალის" ყოფილი ფეხბურთელი გულშემატკივრობს "ტოტენჰემს"! ამ მატჩმა ჩვენ მიგვაახლოვა ჩემპიონობასთან



გოლი "ასტონ ვილას" კარში. მე მივენდე ინსტინქტს. მე შევხედე ბურთს და გავიფიქრე: "კარგი იქნება, თუ მოვახერხებ ერთი შეხებით დარტყმას". ყველაფერი გამოვიდა ისე, როგორც მე მსურდა.



თასი. ეს იყო ძალიან მნიშვნელოვანი გულშემატკივრებისთვის, მოთამაშეებისთვის და პერსონალისთვის. მე ვიყავი ბედნიერი, რომ ამდენი ადამიანი გავახარეთ. ბავშვები, ქალები, კაცები - ყველანი ბედნიერები იყვნენ.



პრიზი კლუბისგან. მე ბედნიერივიყავი, რომ მივიღე "წლის ფეხბურთელის" პრიზი. პარტნიორებმა ჩემზე ძალიან იმოქმედეს და სასიამოვნო იყო მათთან მუშაობა.



წყარო: redevils.ru