იმისდა მიუხედავად, რომ რიოს კლუბში 14 ტიტული აქვს მოპოვებული, მას სურს, რომ გახდეს ყველაზე ტიტულოვანი მოქმედი ფეხბურთელი კლუბის ისტორიაში და სურს, რომ უფრო მეტი ტიტული მოიგოს ამისთვის...
რიო ფერდინანდმა განაცხადა, რომ ტიტულებით მაშინ დავკმაყოფილდები, როდესაც "მანჩესტერ იუნაიტედის" გასახდელში ყველა ფეხბურთელზე ტიტულოვანი ვიქნები. "იუნაიტედში" გადასვლის შემდეგ 34 წლის ინგლისელმა მოიგო ექვსჯერ პრემიე-ლიგა, ორჯერ ლიგის თასი, ერთხელ ჩემპიონთა ლიგა და ერთხელაც მსოფლიოს საკლუბო ჩემპიონატი, რომ აღარაფერი ვთქვათ ინგლისის ოთხ სუპერთასზე. მაგრამ ამ ყველა მიღწევისდა მიუხედავად, რიოზე ტიტულოვან ფეხბურთელად რაიან გიგზი ითვლება, რომელსაც 32 ტიტული აქვს მოპოვებული და 900 მეტი მატჩი აქვს ჩატარებული "იუნაიტედის" რიგებში. რიოს კი სურს თავისი თანაგუნდელის მიღწევა გააუმჯობესოს.
"მე ჩემი მიღწევებით კმაყოფილი არ ვარ, რადგან გასახდელში ჩემზე ტიტულოვანი ფეხბურთელებიც იმყოფებიან, - აცხადებს ფერდინანდი. - შენ ყოველთვის იმათ გინდა გაასწრო, ვინც შენ გისწრებს. სწორედ ამის გაკეთებას ვცდილობ, კლუბში მოსვლის პირველი დღიდან. მე გავიხედე და შევამჩნიე ჩემზე ახალგაზრდა ფეხბურთელები, რომელბსაც ხუთი ექვსი ტიტული ჰქონდათ მოპოვებული და მეც მომინდა ამის გაკეთება. შენ ყოველთვის რაღაც მიზანი უნდა გქონდეს დასახული, რომ რამეს მიაღწიო. ეს არასდროს არ მოხდება, რომ მე დაჯდე გასახდელში და ვთქვა, რომ კმაყოფილი ვარ ჩემი მიღწევებით."
"ახალ მწვრთნელს თავისი იდეები აქვს გუნდისთვის, - გააგრძელა რიომ. - სწორედ ამას ელოდებინა ფეხბურთელებიც. ასევე ის ფეხბურთეები, რომლებმაც საკუტარი საქმე კარგად იციან ვიმედოვნებ, რომ მოიესს ადაპტაციისთვის უფრო მეტ დროს დაუთმობენ. ჩვენ შევეცდებით დევიდს დავეხმაროთ. რაც შეეხება გამარჯვებებს შაბათის მატჩებში, ბევრი ჩვენთაგანი ამას პირველად არ აკეთებს. სწორედ ამიტომ გამოვდივართ ამ კლუბში დიდი ხანი და ამიტომ ვიგებთ ტიტულებს."