გუნდი 6 აგვისტოს, სტოკჰოლმში გამართავს Aon-ის მიერ ორგანიზებული წინა-სასეზონო ტურნეს ბოლო შეხვედრას "აიკის" წინააღმდეგ. "იუნაიტედის" და შვედეთის ნაკრების ყოფილი ფეხბურთელი იესპერ ბლომქვისტი თვლის, რომ ეს იქნება დიდი გამოცდა სტუმართათვის.

"აიკი" ერთ-ერთი საუკეთესო გუნდია შევედეთში. მათ ჰქონდათ მცირე პრობლემები სეზონის პირველ ნაწილში, თუმცა მათ აქვთ ძლიერი მხარეები და ისინი კიდევ უფრო ძლიერები იქნებიან, როდესაც "იუნაიტედი" აქ ჩამოვა." განუცხადა ყოფილმა ვინგერმა MUTV-ს. "ეს მათთვის კარგი შეხვედრა იქნება და ისინი მომზადებული იქნებიან ამ მატჩისთვის."

"ეს არის წინა-სასეზონო ტურის ბოლო შეხვედრა და კარგია, როცა ეთამაშები გუნდს, რომელიც 100 პროცენტით მზადაა ფიზიკურად და საუკეთესო ფორმაშია. ეს იქნება კარგი თამაში "იუნაიტედისთვის" და რა თქმა უნდა, ფეხბურთელები ყველაფერს გააკეთებენ იმისთვის, რომ თავი მოაწონონ დევიდ მოიესს და დაანახონ, რომ ისინი იმსახურებენ ადგილს საწყის თერთმეტეულში."

"თამაში ჩატარდება შესანიშნავ სტადიონზე." დაამატა მან. "ეს არის ახლად აშენებული სტადიონი მოძრავი სახურავით, მაგრამ იმედია ჩვენ არ დაგვჭირდება მისი გამოყენება აგვისტოში. ეს არის შესანიშნავი არენა შესანიშნავი ატმოსფეროთი."

"გულშემატკივრები გახარებულნი არიან იმით, რომ იხილავენ "იუნაიტედს" სტოკჰოლმში და დარწმუნებული ვარ ამ მატჩის ყველა ბილეთი გაიყიდება.''

წარო: manutd.com