"მანჩესტერ იუნაიტედი" 6 აგვისტოს გამართავს "Aon"-ის მიერ ორგანიზებულ წინა სასეზონო მატჩს სტოკჰოლმში. ამ მოვლენასთან დაკავშირებით გავიხსენოთ ფეხბურთელები სკანდინავიური ქვეყნებიდან, რომლებიც "მანჩესტერ იუნაიტედში" ირიცხებოდნენ.
"მანჩესტერ იუნაიტედი" 6 აგვისტოს გამართავს "Aon"-ის მიერ ორგანიზებულ წინა სასეზონო მატჩს სტოკჰოლმში. ამ მოვლენასთან დაკავშირებით გავიხსენოთ ფეხბურთელები შვედეთიდან და მისი მეზობელი სკანდინავიური ქვეყნებიდან, რომლებიც "მანჩესტერ იუნაიტედში" ირიცხებოდნენ.
იესპერ ოლსენიდან (1984 წ.) დაწყებული, ანდერს ლინდერგაარდით (2013 წ.) დამთავრებული, სკანდინავიელები შესანიშნავად ემსახურებოდნენ "იუნაიტედს". მაგალითად ისიც კმარა, რომ 1999 წლის ვარსკვლავურ გუნდში არც მეტი, არც ნაკლები, 6 სკანდინავიელი ირიცხებოდა. გავიხსენოთ ის ცხრა ფეხბურთელი, რომლებიც "მანჩესტერ იუნაიტედის" ძირითადი შემადგენლობის წევრები იყვნენ:
შვედეთი
ჰენრიკ ლარსონი: ყველასთვის მოულოდნელი არენდით აყვანილი ფეხბურთელი, რომელიც ვერ დაითანხმეს, რომ დარჩენილიყო "წითლებში". ინგლისის თასზე სადებიუტო თამაშში "ასტონ ვილას" კარში გატანილმა გოლმა ცხადყო, რომ მას 35 წლის ასაკშიც კი არ დაუკარგავს თავდამსხმლის ინსტიქტი. საბოლოოდ მან ამ სეზონში 13 თამაშში სამი გოლის გატანა მოახერხა.
იესპერ ბლომქვისტი: მან სერ ალექსი ყურადღება მაშინ მიიპყრო, როდესაც "გოტენბურგში" თამაშის დროს, მისმა გუნდმა "იუნაიტედი" ევროპის თასის მიღმა დატოვა. მიუხედავად იმისა, რომ ის 1999 წელს "ჩემპიონთა ლიგის" ფინალში ძირითად შემადგენლობაში მოხვდა, მან მხოლოდ ორჯერ მოახერხა "პრემიერ ლიგაში" თამაშის საწყისი წუთებიდან დაწყება. საბოლოოდ ის "ევერტონში" გადავიდა.
მესამე შვედი არის ბოიან დიორდიჩი, რომელმაც 2001 წელს ორად ორი მატჩი ჩაატარა ძირითადი გუნდის შემადგენლობაში.
ნორვეგია:
ოლე გუნარ სოლსკაერი: "მკვლელი ბავშვის სახით" არის ყველა დროის ერთ-ერთი საუკეთესო შენაძენი გუნდის ისტორიაში. იგი "იუნაიტედმა" "მიოლდედან" შეიძინა 1.5 მილიონად, მას შემდეგ რაც მათ ვერ შეძლეს ალან შირერის ყიდვა. ნორვეგიელი ძალიან სწრაფად გახდა პოპულარული მანჩესტერში და რა თქმა უნდა მისი სახელი ოქროს ასოებით იქნება ჩაწერილი "იუნაიტედის" ისტორიაში 1999 წლის დრამატული ფინალის შემდეგ.
ჰენინგ ბერგი: "ბლექბერნში" გაბრწყინების შემდეგ "იუნაიტედმა" იგი 5 მილიონად შეიძინა. მიუხედავად იმისა, რომ მან მხოლოდ სამი სეზონი გაატარა "ოლდ ტრაფორდზე", მან ორჯერ მოახერხა "პრემიერ ლიგის" მოგება და იყო 1999 წლის "იუნაიტედის" წევრი.
რონი ჯონსენი: ძალიან სანდო და შეუფასებელი ფეხბურთელი, რომელიც შესანიშნავად თამაშობდა როგორც დაცვაში, ისე ნახევარდაცვაში. ტრამვებმა მას ხელი შეუშალეს პროგრესირებაში. "იუნაიტედმა" იგი შეიძინა "ბეშიხტაშიდან" და ის უფასოდ შეუერთდა "ასტონ ვილას" "ოლდ ტრაფორდის" დატოვების შემდეგ.
ნორვეგიელმა თავდამსხმლებმა ჯოშუა კინგმა (2009-2013) და ერიკ ნევლანდმა (1997-2000) ასევე მოახერხეს რამდენიმე თამაშის ჩატარება ძირითად შემადგენლობაში.
დანია
იესპერ ოლსენი: ის იოჰან კრუიფთან ერთად თამაშობდა "აიაქსში", საიდანაც 350 000 ფუნტად შეიძინა "იუნაიტედმა". მას დებიუტი ჰქონდა "უოტფორდის" წინააღმდეგ 1984-1985 წლებში. დანიელმა ფეხბურთელმა ჩაატარა 139 შეხვედრა "პირველ დივიზიონში" და 21 გოლის გატანა მოახერხა.
იონ საივბეკი: მან გაიტანა პირველი გოლი სერ ალექს ფერგიუსონის ერაში და ეს გოლი ერთადერთი აღმოჩნდა მის მანჩესტერულ კარიერაში. 1985 წელს რონ ატკინსონმა იგი "ვეილ ბოლდკლაბიდან" იყიდა და რამდენიმე წლის შემდეგ იგი "სენტ ეტიენში" გადავიდა.
პეტერ შმეიხელი: "შესანიშნავი დანიელი" "იუნაიტედმა "ბრონდბიდან" შეიძინა 1991 წელს და ის ითვლება კლუბის ისტორიაში საუკეთესო მეკარედ. მან უკაპიტნა "წითლებს" თავის ბოლო თამაშში 1999 წლის ფინალში "ბაიერნის" წინააღმდეგ და აღმართა ევროპის თასი სერ ალექს ფერგიუსონთან ერთად.
ანდერს ლინდერგაარდი: ერთადერთი სკანდინავიელი ფეხბურთელი დღევანდელ "იუნაიტედში". ლინდერგაარდი "წითლებს" 2011 წლის იანვარში შეუერთდა. მან მოახერხა 10 თამაშის ჩატარება 2012-2013 წლებში და მიიღო "პრემიერ ლიგის" მედალი.
შემდეგი დანიელი რომელმაც "იუნაიტედში" ითამაშა შმეიხელის შემდეგ იყო მედს ტიმი, თუმცა მან მხოლოდ ერთი გასვლითი შეხვედრა ჩაატარა 2002-2003 წლებში "მაკაბი ჰაიფას" წინააღმდეგ.
წყარო:
www.manutd.com