დევიდ მოიესს და მის შეგირდებს სეზონის დასაწყისშივე მოუწევთ ყველაზე პრინციპულ მეტოქესთან დაპირისპირება. ინგლისელმა მცველმა განაცხადა, რომ მატჩების მოგებას პირველივე შეხვედრიდან დაიწყებენ:"უკვე პირველი ხუთი მატჩი გვაქვს ჩასატარებელი "სუონსთან", "ჩელსისთან" "ლივერპულთან" "კრისტალ პალასთან" და "მანჩესტერ სიტისთან". სეზონის დასაწყისში უმეტესი კლუბი ძალიან არ იღლის თავს გამარჯვებებით და ახალ ფეხბურთელებს და მწვრთნელებს ეჩვევა, მაგრამ ჩვენ პირდაპირ გამარჯვებებით დავიწყებთ სეზონს." - განაცხადა ფერდინანდმა skysports.com-თან.
"ჩვენ გვყავს ახალი მწვრთნელი და პირველივე მატჩებიდან ვეცდებით დავუმტკიცოთ მას, რომ ჩვენ ახალი სეზონისთვის მზად ვართ. ძალიან აუცილებელი იქნება პირველი რამოდენიმე მატჩის ჩატარება და მათი მოგება."