გარი ნევილმა "იუნაიტედის" წინა სასეზონო ტურნეს ბოლო მატჩზე ისაუბრა, რომელიც შვედეთში ჩატარდება.
"იუნაიტედი" წინა სასეზონო ტურნეს დასკვნით მატჩს ბრწყინვალე სტადიონზე გამართავენ. მე ვესწრებოდი ამ სტადიონის გახსნას ინგლისის ნაკრებთან ერთად. ჩვენს კლუბს ბრწყინვალე ატმოსფერო ელოდება. შვედური გუნდები ძალიან შრომის მოყვარენი არიან, თანაც ამ მატჩს ისინი ბრწყინვალე ფორმაში შეხვდებიან. ეს იქნება კარგი ფიზიკური შემოწმება. "იუანიტედს" პირველივე თამაშში შეუძლია ტიტულის მოგება და ეს ძალიან მნიშვნელოვანია. ყოველთვის მიყვარდა შვედეთი. აქ განსხვავებული გულშემატკივრები და კულტურაა. ვფიქრობ სკანდინავია ბრწყინვალე ადგილია ტურნეს მატჩის სათამაშოდ. მე მითამაშია ამ სტადიონზე და ასევე მყავდა შვედი თანაკლუბელები (იესპერ ბლუმკვისტი და ჰენრიკ ლარსონი). ჰენრიკი ბრწყინვალე ფეხბურთელი იყო. მე მახსოვს მატჩი "გეტებორგის" წინააღმდეგ 1994 წელს. იმ მატჩში იესპერმა გოლი გაგვიტანა. ალბათ ამას არ ვამბობდე, მაგრამ ის გიგზის ბრწყინვალე შემცვლელი იყო. ყოველი მატჩი სეზონის დაწყებამდე ძალიან მნიშვნელოვანია. მაგრამ ახლა მას პრინციპული დანიშნულება აქვს. გუნდში ახალი მწვრთნელი მოვიდა და ფეხბურთელებმა თავიანთი შესაძლებლობები უნდა აჩვენონ. რა თქმა უნდა დევიდს სმენია ამ ფეხბურთელების შესახებ. მნიშვნელოვანია ის თუ როგორ გამოიჩენ თავს საქმის დროს. დარწმუნებული ვარ ის განცვიფრებული დარჩება ჩვენი ბიჭების შრომისმოყვარეობით." - დაასრულა გარიმ.