პირველ ივლისს დევიდ მოიესი ოფიციალურად ჩაუდგება მანჩესტერ იუნაიტედს სათავეში და უკვე აქედან დაიწყება მოიესის ერის ათვლა.დღეს განვიხილავთ იმ პოზიციას,სადაც მანჩესტერ იუნაიტედს უკვე წლებია პრობლემები აქვს და ალბათ მოიესიც სწორედ ამ პოზიციის გაძლიერებით დაიწყებს იუნაიტედში მოღვაწეობას.მანამდე კი შეგახსენებთ,რომ იუნაიტედს ცენტრში 6 ფეხბურთელი ჰყავს:მაიკლ კერიკი,ტომ ქლევერლი,შინჯი კაგავა,ანდერსონი,დარენ ფლეტჩერი და ნიკ პაუელი.
მაიკლ კერიკი:ინგლისელი ნახევარმცველი უკვე 7 სეზონია მანჩესტერ იუნაიტედში ასპარეზობს.ხოლო რაც შეეხება მის მიერ ჩატარებულ გასულ სეზონს,ეს რაღაც საოცარი სეზონი იყო მისთვის პირადად,რადგანაც კლუბის წარმატებაში ძალიან დიდ როლს თამაშობდა,რა თქმა უნდა,მას ეს გარჯა დაუფასდა და დამსახურებულად მოხვდა პრემიერ ლიგის წლის საუკეთესო გუნდში და ასევე წლის საუკეთესო ფეხბურთელის ჯილდო მიიღო მანჩესტერ იუნაიტედში. ტომ ქლევერლი:ერთ-ერთი იმედისმომცემი ფეხბურთელი,არამარტო კლუბისათვის,არამედ ნაკრებისთვისაც.მას აქვს უნარი გააკეთოს შორ მანძილზე ზუსტი და მოხდენილი პასი.მას ასევე შეუძლია აჰყვეს თანამედროვე ფეხბურთის ტემპს.ის,როდესაც მოედანზეა პროდუქტიული ფეხბურთელი გახლავთ.
შინჯი კაგავა:იაპონელ ნახევარმცველს ჰქონდა სადებიუტო სეზონი ოლდ ტრაფორდზე,რომელიც ასე თუ ისე გაამართლა,მაგრამ გულშემატკივრები და თვითონ კლუბიც უფრო მეტს ელოდება ამ ფეხბურთელისაგან,რომელსაც ეს ნამდვილად შეუძლია.წარმატებული სეზონის ქონაში კაგავას მცირე ტრავმამაც შეუშალა ხელი.მან იუნაიტედში 26 მატჩი ჩაატარა და 6 გოლის გატანაც მოახერხა.ასევე აღსანიშნავია ისიც,რომ მან უკვე მოასწრო პირველი ჰეთ-თრიკის შესრულება იუნაიტედის მაისურით ნორვიჩთან მატჩში.მისი შესაძლებლობები არის აბსოლუტურად უნიკალური.
ანდერსონი:ბრაზილიელმა ნახევარმცველმა ვერა და ვერ მოიკიდა იუნაიტედის სასტარტოში ფეხი და ის დღემდე რჩება კერიკის შემცვლელად.მაგრამ ასევე ისიც უნდა ავღნიშნოთ,რომ მისი კარიერის დიდი ნაწილი მან ტრავმების მოშუშებას მოანდომა.ორი აზრი არ არსებობს იმაში,რომ ბრაზილიელი ძალიან ტექნიკურია და დიდი ტალანტის მფლობელი.
დარენ ფლეტჩერი:ფეხბურთელი,რომელმაც დროებით საფეხბურთო კარიერა შეწყვიტა გარკვეული მიზეზების და გამო.შარშან თითქოსდა გამოჩნდა,მაგრამ თამაში თითქმის არ მოუწია.გავრცელდა ხმები,რომ მომავალი სეზონიდან ის ფეხბურთს დაუბრუნდება და აქტიურად ჩაერთვება საფეხბურთო საქმიანობაში.
ნიკ პაუელი:დაიმკვიდრო ადგილი ოლდ ტრაფორდზე არასდროს არ არის ადვილი,მაგრამ ქრიუ ალექსანდრიადან შეძენილ ფეხბურთელზე ძალიან დიდ იმედებს ამყარებენ.პაუელმა შარშან პირველ გუნდში რამდენიმე მატჩი ჩაატარა.19 წლის ფეხბურთელი ითვლება ერთ-ერთ იმედისმომცემ მომავლის ფეხბურთელად იუნაიტედში.