გუშინ გამართულ ევროპის 21 წლამდელთა ჩემპიონატის შეხვედრაში ესპანეთის ნაკრებმა ნორვეგია დაამარცხა და ტურნირის ფინალის საგზური გაინაღდა. მატჩი ესპანელებმა ანგარიშით 3:0 მოიგეს.
მასპინძელთა კარს ტრადიციულად "მანჩესტერ იუნაიტედის" მეკარე დევიდ დე ხეა იცავდა. დევიდმა ჩემპიონატის ოთხივე შეხვედრა სრულად ჩაატარა და რეკორდიც დაამყარა: მას არც ერთ მათგანში ერთი გოლი არ გაუშვია. დე ხეა უკვე 360 წუთია კარს მშრალად ინახავს. მსგავს შედეგს მან "იუნაიტედშიც" მიაღწია - პრემიერ ლიგის ბოლო ტურებში ესპანელმა 6 მატჩი ყველა გაშვებული გოლის გარეშე ჩაატარა.
ტურნირის ფინალი სამშაბათს, 18 ივნისის დღის 17:00-ზე გაიმართება.
"მანჩესტერ იუნაიტედის" სამიზნეს კევინ სტროტმანს შანსი ჰქონდა იტალიის დამარცხების შემთხვევაში ფინალში ესპანეთის წინააღმდეგ ეთამაშა, მაგრამ ჰოლანდიელები ანგარიშით 1:0 დამარცხდნენ და ჩემპიონატს გამოეთიშნენ. კევინმა მატჩი სრულად ჩაატარა.
ასევე, გუშინ კონფედერაციის თასის პირველი მატჩი ბრაზილიის და იაპონიის ნაკრებებს შორის გაიმართა. შინჯი კაგავას გუნდმა ვერცერთი გოლის გატანა ვერ შეძლო და მატჩი 3 ბურთიანი ჰანდიკაპით წააგეს. "მანჩესტერელმა" ფეხბურთელმა ფეხბურთელთა შეფასებებში მატჩის ერთ-ერთ იმედგაცრუებად დასახელდა.
ამავე ჯგუფში დღეს, 23:00-ზე ერთმანეთს მექსიკისა და იტალიის ნაკრებები დაუპირისპირდებიან. ხავიერ ერნანდესი დიდი ალბათობით ძირითად შემადგენლობაში მოხვდება.
მატჩის ჩვენებას RedarmyTV შემოგთავაზებთ.