მანჩესტერ იუნაიტედი ყოფილი თავდამსხმელი ტედი შერინგემი სულაც არაა გარკვირვებული გიგზის მრავალწლიანი დაფეხბურთო კარიერით. იუნაიტედის ექსფეხბურთელი 40 წლის და 272 დღის იყო, როცა დაასრულა კარიერა და ეს კი პრემიერ ლიგის რეკორდია, როგორც ყველაზე წლოვანი ფეხბურთელი. უელსელს შესანიშნავი შანსი აქვს ამ რეკორდის გაუმჯობესების, მოგეხსენებათ გიგზმა კიდევ გაახანგრძლივა კონტრაქტი კლუბთან:"მე ყველაზე წლოვან ფეხბურთელად ვითვლებოდი ინგლისის პრემიერ ლიგაში(მეკარე არ ითვლება). თუმცა რა თქმა უნდა გიგზს შეუძლიას ამ რეკორდის გაუმჯობესება, რადგან ის კიდევ რამდენიმე სეზონს ჩაატარებს მაღალ დონეზე. ვფიქრობ მომდევნო სეზონში ის თავისი ფორმის პიკში იქნება, რაც კიდევ უფრო გაზრდის შანს რეკორდის დამყარების. ამისათვის მხოლოდ კარგი ფორმის შენარცუნებაა საჭირო. როცა ვთამაშობდი, მაშინ ზედმეტი წონა საერთოდ არ მქონდა, რაც ძალიან მეხმარებოდა."
"სპორტულმა მეცნიერებამ დიდი ნაბიჯი გადადგა წინ. თუმცა სიმართლე გითხრათ, მას არასდროს ვაქცევდი ყურადღებას. 20 წლიანი საფეხბურთო კარიერა მქონდა და ვფიქრობ არ მოვუსმენდი ექსპერტების იმ რჩევებს, რომლის შესრულებაც ფაქტიურად წამოუდგენელი და შეუძლებელი იქნებოდა. მე ჩემი რეჟიმი მქონდა." ასევე ტედი დარწმუნებულია, რომ გამოცდილი ფეხბურთელები დაეხმარებიან დევიდ მოიესს მისი სამუშაოს პირველ წლებში კლუბში:" რა თქმა უნდა გამოცდილი ფეხბურთელები ბევრი ახალგაზრდა მოთამაშისათვის მისაბაძია. მათ აქვს შანსი ისწავლონ ისეთი ფეხბურთელებისაგან, როგორებიც გიგზი, სქოულზი და რიო არიან"