მოურინიო:"ვიცოდი, რომ სერ ალექსი მწვრთნელის კარიერას დაასრულებდა"
ჟოზე მოურინიო გამოტყდა, რომ იცოდა სერ ალექსის კარიერის დასრულების შესახებ, მაგრამ ის არ აპირებდა "იუნაიტედის" სათავეში მოსვლას, რადგან უკვე "ჩელსიში" ჰქონდა წასვლა გადაწყვეტილი...
გასულ თვეში, სერ ალექს ფერგიუსონის წასვლამ მთელი მსოფლიო შეძრა. მოურინიომ განაცხადა:"უფრო დიდი ხნით ადრე ვიცოდი, რომ სერ ალექსი წავიდოდა. მე კი თუ კლუბი შეთავაზებას გამიკეთებდა უარით გავისტუმრებდი, რადგან უკვე "ჩელსიში" მქონდა წასვლა გადაწყვეტილი." - განაცხადა პორტუგალიელმა სპეციალისტმა bbc.co.uk-თან.
"მე ბედნიერი ვარ, რომ სერ ალექსმა ასეთი ნდობა გამომიცხადა და მისი საიდუმლო, გამიმხილა. ეს სიახლე ყველასთვის დიდი შოკი იყო. ხოლო ჩემთვის დიდი პასუხისმგებლობა იყო მისი საიდუმლოს შენახვა."
"რატომ მითხრა მან ეს? ნამდვილად არ ვიცი. უბრალოდ ჩვენ მეგობრები ვართ და მას სურდა, რომ მეც საქმის კურსში ვყოფილიყავი. რათქმაუნდა, მეც მოვუყევი მას ჩემი გეგმები, "ჩელსიში" გადასვლასთან დაკავშირებით და მე ნებისმიერ კლუბს ვეტყოდი უარს "ლურჯების" გამო."