ფრედერიკ ვესელი, რომელიც 2012 წელს "მანჩესტერ სიტიდან" "მანჩესტერ იუნაიტედში" გადმობარგდა კლუბს თავისუფალი აგენტის სახით ტოვებს. ამ ფეხბურთელისადმი ინტერესი უკვე გამოთქვეს "კრისტალ პალასმა", "ბირმინჰემმა", "მიდსლბრომ" და "უიგანმა". ამასთანავე მისი ნახვა სურთ სერია ა-შიც და ბუნდესლიგაშიც, - გვამცნობს skysports.com.
ვესელის აგენტმა ადამ ბოუსკოჩიმ განაცხადა, რომ მის კლიენტს ინგლისში დარჩენა სურს:"ფრედის ინგლისში დარჩენა სურს, რადგან ის აქ უკვე 2008 წლიდან იმყოფება. ის გრძნობს, რომ მზადაა, რომელიმე პრემიერ-ლიგის კლუბის პირველ გუნდში ითამაშოს. ახლა მისით რამდენიმე კლუბია დაინტერესებული და ჩვენც ყველა შესაძლო ვარიანტს განვიხილავთ."